Makòrzì 13:8 - Mokpwe: Bakwery (New Testament)

⁸ Hwèkòmè hwe teŋgɛ̀nɛ̀ hwèkòmè ò lì ana njùma, màkànèyà hvɛ ma teŋgɛ̀nɛ̀ màkànèyà. O hwɛ menyìŋgìrzɛ̀nɛ̀ ò hwèki rzayì-rzayì. È njàwò hvɛ è hwɛ. Hwenè hweyà hwe ò hwɛ ndi nàa mòrziyò mò lìyalì mò wòrzò.

Makòrzì 13:8 Mawu Ofanana

Matiyò 24:8

Hwenè hwe àrzɛ ndi hwe ò hwɛ nàa hwe wòtelì hwe mòrziyò mò lìyalì.

Makòrzì 13:7

È hwèyì tɛ ema injùmà ja ànà, tɔ̀ e hweyi tɛ ŋgànèlì ja njùma è rzì tumeya mèèmà. Hwenè hweyà hwe hwɛnì lì gbeyɛ̀nɛ ndi hwe rza uŋmɛ̀lɛ̀ nanù ema lìrzukù lì ma uka.

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Hwègbèèlì 11:28

Mɔ̀kɔ hwa hwaŋga hwà-òhwèlì hwa hwèlìŋgɛ̀ ema à mà hwɛ̀lɛ̀hwɛ̀ Agàbùrzì à mà tɛ̀mɛ̀ ò ŋmanyu. Nà e ŋginyà ya Èlìŋgɛ̀ yà Wòtani rzìi mɔ̀ à tɛ̀mɛ̀nɛ̀ ò ŋmanyu rzìi a òhwa nanù ema, “Njawò ndɛnɛ e hwɛnì lì jèeyà e rze ya arzɛ.” Ène eyà e ma gbèyɛ̀nɛ e hvònda ema Klàwɔ̀dìyùrzì à mà hwɛ e mòkànèlì.

1 Tɛ̀rzàlonìyà 5:3

Ò lìrzàkò ema hwatò hwa ohwa nanù ema, “Ò hwèlì ɛ̀yɔ̀lɛ̀ ndèŋgànɛ̀lɛ̀ ò rza enje tɔ̀ mòhvùŋgu,” lìwokimɛnɛ, wɔ̀ hwa ò hvàŋgahwà. È ò hwɛ ndi nyàyi hvɔ̀kɔ nàa mòrziyò mò lìyàlì mò lɛ̀mbɛɛ molàna ema à arza lì ŋya. Rzìi tɔ̀ mòtò à rza ò kàrzowà.

Hwèwulùwèlì 6:4

Rzìi ehvɛhvɛ wɔ̀rzi ema e teyaa rzayi-rzayi e ma wurza. È mòtò ema à mà e lìya o ŋmanyu à mà ŋgbahwa e wònja o lì ulɛ ɛ̀yɔ̀lɛ̀ o e rze ya mɔ̀nyɛ̀, aŋga nanù hwatò hwa hwènàmà hwa o àwòŋwànɛ̀ mɔ̀kɔ na ɔnɛyi. Ndeŋgànɛ̀lɛ̀ à mà ŋgbahwa rzɔ̀lɔ̀ ndɛnɛ.