Makòrzì 13:32 - Mokpwe: Bakwery (New Testament)

³² “Tɔ̀ mòtò à rza hwi tɔ̀ e hvònda ema hwenè hweyà hwe ò gbèyɛnɛ, tɔ̀ i aŋgèlì ema ì hwèlì ò ŋmanyù ya lohwà i rza hwi wòŋgò wùnyà, tɔ̀ è Ŋmanà a rza hwi. Tatɛ̀ mɛnɛ ndi à hwi è hvònda ema hwenè hweyà hwe ò gbèyɛnɛ.

Makòrzì 13:32 Mawu Ofanana

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 25:19

“Ò mburzà yà hvòka hvònda e rzaŋgo yà awu ya èwòlò è mà tìmba, rzìi a kɔ̀kɔ̀ lìrzaŋgò na wɔ̀.

Matiyò 25:6

Ò kɔ̀rzi yà awu jòŋgii, rzìi mòrzeya mò tɛ̀ɛ̀hwɛ̀ nanù ema, ‘È mòhwayèlì à mà jà! È wurze è jèe è mò ùŋma.’

Makòrzì 13:31

È ŋmanyu yà lohwà nà è rze hwè kùwà ndi eyà ya ami e hwɛ ndi nanù mɛnɛ.

Hwègbèèlì 1:7

Yerzù rzìi a hwa timbirzɛlɛ nanù ema, “È Tatɛ̀ mɛnɛ ndi à gbeyàna e ŋginyà ya eni ò lì rzekeya màrzàkò na ihvònda, ndèŋgànɛlɛ inyɔ e rza òhvi wònjà ò lì hwiya e hvònda ema hwene hweyà hwe arzɛ hwe ò gbèyɛ̀nɛ.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.