Makòrzì 12:8 - Mokpwe: Bakwery (New Testament)

⁸ Rzìi hwa mò lɛ̀mbɛ, hwa mò òŋwa, hwa aŋgba èembè ya eni ò mburzà yà ŋgawò ya èŋge hvaya.”

Makòrzì 12:8 Mawu Ofanana

Matiyò 21:33

Yerzù rzìi a òhwa hvɛ nanù ema, “È òkànèyà hvɛ mòhvɛhvɛ ŋmàna. O ma hwɛ mòhwɛnɛ wa hvaya ema à mà rzarza e hvaya ya eni, rzi a òna mayi ma hwehvùma ema hwe nyukahwa ò lì gbeyà hwènyɔ̀ɔ̀nì. A ma kaka ŋgawò ò lì lìŋga eŋge hvaya ya arzɛ, à mà òŋga hvɛ lìyami ò lì mita hwehvùma ò lì wurzirzɛ hwènyɔ̀ɔ̀nì. A ma òŋga hvɛ lìwòndò la ndɛkì ema e ma karzama ò ŋmanyu ema aŋga ndi hwà-ɔ̀ŋgelì hwà mà lìya ò lì ɔŋgeya eŋge hvaya. A ma aka hwatò ema hwà mà hwɛnɛ lì kawa eŋge mbòtà na mɔ̀ ndèŋgànà a ɛ̀ndɛ ò ehvɛhvɛ èkòmè.

Matiyò 21:39

O èŋgànɛ̀lɛ̀ rzɔ hwà mà mò hvùma, hwa mò wurzana ò tenì ya eŋge hvaya, rzi hwa mò òŋwa.”

Makòrzì 12:7

Ndi hwaŋga hwàgbèèlì hwa èŋge hvaya, nà òmà hwà mà ɛnɛ òŋgò ŋmanà, à ja, rzìi hwa awòhwànɛ̀lɛ wɔ̀ hwìti nanù ema, ‘Onò ndi à làa erzàŋgò. È jè ì mò òŋwe ò ma ì ma kùwàna ene erzàŋgò ya arzɛ.’

Makòrzì 12:9

Yerzù rzìi a ijòwa nanù ema, “Mamɛ hvɛ rzɔ e ma e mòhwɛnɛ wà èŋge hvaya a hwɛnì lì gbeyàna hwaŋga hwàgbèèlì hwa èŋge hvaya e? À hwɛnì lì ɛ̀ndɛ ò èŋge hvaya rzìi a òŋwa hwaŋga hwàgbèèlì, rzìi a ŋgbà hwahvɛhvɛ hwàgbèèlì ò lì ɔŋgeya èŋge hvaya.

Lukàrzɛ̀ 20:15

Hwa mà mò wurzana ò èŋge wàŋgà, rzìi hwa mò òŋwà.” Yerzù rzìi a hwa ijòwa nanù ema, “Mamɛ è mòhwɛnelì wa wàŋgà a tànɛyi lì gbeyàna hwaŋga hwàgbèèlì hwa wàŋgà e?