Makòrzì 12:37 - Mokpwe: Bakwery (New Testament)

³⁷ È hwèlì tɛ ema Dàhwitì mɔ̀ ŋmìti à mà lòma lì mò hwɛlɛ Rzàŋgò, nɛ rzɔ è Mɔ̀ ema à Ɔ̀kirzɛ̀hwɛ̀yi a tànɛyi lì hwɛ e ŋmanà hwa eni e?” È ŋgìndì è ma hwɛ lì òkànèyà Yerzù nà mɔ̀nyɛ̀ŋgì mò rzayì-rzayì.

Makòrzì 12:37 Mawu Ofanana

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 21:45

Nà òma Ipìlìrzì ndɛnɛ na Ihvàlìrzàyì i ma hweye mene meyàna ema Yerzù à mà kpɛ, hwà mà ayèmbɛ nanù ema wɔ̀ ndi à mà hwɛ lì kpɛ̀ɛyà mene meyàna.

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Lukàrzɛ̀ 19:48

Ndi ò rzi hwɛ tɔ̀ Èya ema hwa mà tànɛyi lì gbeyà èhwànja hwatò hwa àrzɛ hwa mà lìŋgàna mamɛ yà àrzɛ ema Yerzù à mà hwɛ lì òhwa nà mèèmà mè awu mè arzɛ.

Lukàrzɛ̀ 21:38

Hwatò hwa mà hwɛ lì arzàŋgànɛ ekpaàrzɛ ò Ndawò yà Lohwà, ò lì mò òkànèyà.

Yòwanìrzɛ̀ 12:9

Ŋgindi ndɛnɛ ya wònyà Yudà e ma hwèya nanù ema Yerzù a hwèlì ò e mbòwà ya Bɛ̀tanì. O èŋgànɛ̀lɛ̀ hwà mà ɛ̀ndɛ aŋga. Rzekɛ hvɛ tɛ ema Yerzù a hwèlì aŋga ndi ò lì ɛnɛ Làrzàrɔ̀rzì ema Yerzù à mà timbirzɛ ò lòŋgɛ.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Hwèwulùwèlì 22:16

“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”