Makòrzì 12:36 - Mokpwe: Bakwery (New Testament)

³⁶ Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Makòrzì 12:36 Mawu Ofanana

Matiyò 5:35

Tɔ̀ lì ààtɛ̀ hvɛ ò rze, èhwanja aŋga ndì matàŋgà mà ama Lohwɛ̀ ma mà ìkahwɛ̀. Tɔ̀ lì àtɛ̀lɛ̀lɛ̀ hvɛ ò lìnà là è mbòwà ya Jèrurzalɛ̀mù, èhwanja yɔ ndi e hwèlì e mbòwà ya ama e Kìŋgɛ ndɛnɛ.

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 28:25

O èŋgànɛ̀lɛ̀ hwà mà wòteyà lì atɔ̀kìrzɛ̀nɛ na òma hwà mà hwɛ lì ɛndɛ. Hwa è hwiya lì anjiya, Pàwolò à mà hwa òhweyà nanù ema, “Èlìŋgɛ̀ yà Wòtani e ma hvòmɛ̀nɛ̀ na òma e mò òhweyà mòòhwèlì wà èlìŋgɛ̀ Àyìrzayà hweyà nanù ema a òhweyà imbamba ja anyu nanù ema,

1 Kɔ̀rintìyà 15:25

Krirztò A hwɛnì lì kànèyà natɛ̀ɛ na e hvonda ema Lohwɛ̀ à ò aka hwakɔ̀èlì hwa eni rzìi a hwa ika hwa arzɛ o rze ya lìkànèyà la eni.

2 Tìmotì 3:16

Tɔ̀ mamɛ ema e tìlahwì o kààtì ya ama Lohwɛ̀ e uwɛ̀lɛ̀lɛ̀yi ndi o ma Lohwɛ̀. È oŋgowàna o lì okolɛ hwatò, e oŋgowàna o lì ohweyà hwatò màtonà ma awu, e oŋgowàna hvɛ hwatò ò lì tɛnɛnɛ màtonà ma awu, ndèŋgàna e oŋgowàna hvɛ hwatò ò lì gbeyà mamɛ ema e hvomɛ̀nɛ̀.

Hibrù 1:13

Lohwɛ̀ a rzi ohweyà tɔ̀ aŋgèlì tɔ̀ hvɔ̀kɔ nanù ema, “Liya anù o mɔ̀ɔ mo ami mo mome natɛ̀ɛ na e hvonda ema na gbeyà rzìi o yàaya hwàkɔ̀yèlì hwa aŋgɔ na matàŋgà mà aŋgɔ.”

Hibrù 4:7

Ò èŋgànɛ̀lɛ̀ Lohwɛ̀ à mà rzèkeyà wohvɛhvɛ wùnyà wò hwɛ̀lɛ̀hwɛ̀ ndi, nanù ema, “Yàwonò.” Ò hvonda ema è mà aka, Lohwɛ̀ à mà ohwa, lì akeyà nà imbɔrzi jà ama Dàhwitì ema imba nà mà màà lì è tìleyà nanù ema, “Yàwonò è hweyi tɛ lìlo là ama Lohwɛ̀, è rzi hwɛ̀neyà Lohwɛ̀ màniya.”

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.