Makòrzì 12:35 - Mokpwe: Bakwery (New Testament)

³⁵ Yerzù à mà hwɛ lì òkòlɛ̀ ò Ndawò yà Lohwà. Rzìi à ijòwa nanù ema, “Mamɛ ndèŋgàtɛ̀ hwà-òkòlèlì hwa mbenda hwa òhwa hwà ama, e Mɔ̀ ema à Ɔ̀kirzɛ̀hwɛ̀yi a uwɛ̀lɛ̀lɛ̀yi ndi ò lìwende la ama Dàhwitì e?

Makòrzì 12:35 Mawu Ofanana

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Makòrzì 10:1

Yerzù à mà anjiya èŋgè èkì rzìi à akeyà ò erzòòkà yà Jùdeyà rzìi à akeyà ò mòrzò mò Jɔdànì. Ŋgìndì yà hwatò è mà hwɛ lì mò jèeyà nàa ɛ̀ɛ̀mɛ̀ yà eni è mà hwɛ, à mà hwa òkòlɛ̀.

Makòrzì 11:27

Yerzù nà hwà-òkòwèlì hwa eni hwà ma ùke hvɛ ò Jèrurzalɛ̀mù. Nà òmà Yerzù à mà hwɛ lì kɔ̀kɔ̀ mèende ò tenì ya è Ndawò yà Lohwà, Ipìlìrzì ndɛnɛ, hwà-òkòlèlì hwa mbenda, nà hwàmbaki, hwà mà mò jèeya.

Makòrzì 14:49

Nà mà hwɛ nà inyɔ̀ wùnyà tɛ ò Ndawò yà Lohwà na òkòlɛ̀ hwatò ndi e rzìi nò ŋgbaŋgɛ̀, ndi Eyà ya Lohwà e hwɛnì lì òndìrzɛhwɛ̀.”

Lukàrzɛ̀ 19:47

Wùnyà tɛ, Yerzù à mà hwɛ lì òkòlɛ̀ ò Ndawò yà Lohwà. Ipìlìrzì ndɛnɛ̀ nà hwà-òkòlèlì hwa mbenda, nà hwàtìmbèlì hwa hwatò, hwa mà hwɛ ndi lì àrza ŋmànò ò lì mò òŋwà.

Lukàrzɛ̀ 20:1

Wùnya wɔ̀kɔ, Yerzù a mà hwɛ lì òkòlɛ̀ hwatò ò Ndawò yà Lohwà na lì òhwa Ŋmɛ̀ndì mò Gbamù, Ipìlìrzì ndɛnɛ, nà hwà-òkòlèlì hwa mbenda, nà hwàmbaki hwa mbòwa wɔ̀ hvɛ hwa mà mò jèeyà.

Lukàrzɛ̀ 21:37

O hwèŋge hwèyu, Yerzù à ma hwɛ lì òkòlɛ̀ ò Ndawò yà Lohwà. Ŋgòmbe tɛ à mà àgba ò lì yɛlɛ̀lɛ̀ ò mòòlì mò Njàhwɛ̀.

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Yòwanìrzɛ̀ 7:42

È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”