Makòrzì 12:24 - Mokpwe: Bakwery (New Testament)

²⁴ Yerzù rzìi a òhwa nanù ema, “È tòni, èhwanja è rza rzɔ̀ŋgìtɛ̀nɛ̀ mamɛ eyà ya Lohwà e òhwa, tɔ̀ e ŋginyà ya ama Lohwɛ̀.

Makòrzì 12:24 Mawu Ofanana

Matiyò 22:29

Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

Makòrzì 10:27

Yerzù a mà hwa ɔŋgɔ̀ kòò rzìi a òhwa nanù ema, “È hwèlì tɛ ò hwatò e rza tanɛ e gbèyɛnɛ. Ndi e hwèlì tɛ nà Lohwɛ̀, ò rza enje eyà e ambi.”

Makòrzì 12:23

Nàŋgɛ rzɔ, ò Hwehvùmuwelì òŋgò mòlanà a ò hwɛ ndi è mòlanà wa ama njɛnɛ e? Èhwanja lìrzamba la arzɛ lì mà mò hwaa.”

Makòrzì 12:25

Hwàŋga ema hwà mà ŋwɛɛ, hwa hvùmù tɛ ò rza ò hwɛ tɔ̀ mahwà. Hwa ò hwɛ ndi nàa i aŋgèlì ja ŋmanyù ya lohwà.

Lukàrzɛ̀ 1:37

È hwèlì ndi nanù, èhwanja tɔ̀ eyà e rzà àmbì nà Lohwɛ̀.”

Yòwanìrzɛ̀ 20:9

Tɔ̀ nɛ wɔ̀ hwa rzi rzɔ̀ŋgìtɛ̀nɛ̀ mamɛ ema e ma tìlahwa ò Kaàti ya Lohwà ema Yerzù a ò hvùmùwà.

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

Ɛ̀hvìrzìyà 1:19

Nà kanɛ̀ hvɛ nanù ema, è hwiya è ŋginyà yà eni ndɛnɛ ema è olò lì aka hweyà hwe arzɛ, ndèŋgànà eŋge ŋginyà ndi è jò oŋgòhwànà irzɔ ema ì mò lòkɛ̀yì. Ène ŋginyà ndɛnɛ,

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.