Makòrzì 12:17 - Mokpwe: Bakwery (New Testament)

¹⁷ Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

Makòrzì 12:17 Mawu Ofanana

Matiyò 22:21

Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

Matiyò 22:22

Hwàŋga hwatò hwà mà hweye nanù, rzìi hwa tàmà. Hwà mà mò rzɔnjɛ̀lɛ̀ aŋga, rzìi hwa ɛ̀ndɛ e ya awu.

Matiyò 22:33

È ŋgìndì è mà hweye nanù, rzìi è tàmeyà hwèyòkòlèlì hwe ama Yerzù.

Matiyò 22:46

Tɔ̀ mòtò tɔ̀ mɔ̀kɔ a rzìi tànɛyi lì mò alàhwɛ̀. Lìwòteya wòŋgò wùnyà lì ɛ̀ndɛ ò wòrzò, tɔ̀ mòtò tɔ̀ mɔ̀kɔ a rzìi mò ijòwa hvɛ tɔ̀ miijòwelì.

Matiyò 8:10

Nà òma Yerzù à mà hweye hwenè hwèyòhwèlì, à mà tàmà rzayi-rzayi, rzìi à òhweyà hwaŋga ema hwa mà mò nɔ̀ŋgɔ nanù ema, “Nà è òhweyà ndi è jɔ̀kɛ̀, nà rzì ɛnì tɔ̀ mòtò tɔ̀ mɔ̀kɔ ò èkòmè ya arzɛ yà Irzàyɛ̀lì ema à òhvi ene tumba ya lìlòkɛ̀ ema ònò ŋmɛ̀nì à òhvi.

Makòrzì 12:16

Hwà mà mò jàneyà èŋge kahvà rzìi a hwa ijòwà nanù ema, “Èlìŋgɛ̀ ya ama njɛnɛ ene e? Liinà la ama njɛnɛ lìni e?” Hwa mà mò alàhwɛ̀ nanù ema, “È hwe ama Kayirzà.”

Makòrzì 12:30

Lìŋgàna e Rzàŋgò Lòohwà la aŋgɔ̀, na ŋmèma mò aŋgɔ̀ mò arzɛ nà èlìŋgɛ̀ ya aŋgɔ̀ ya arzɛ, na màlùtèyà, ò mò lìŋgàne nà e ŋginyà ya aŋgɔ̀ ya arzɛ.’

Lukàrzɛ̀ 20:25

Aŋgà ndi Yerzù à hwà òhweyà hvɛ nanù ema, “È ŋgbè Kàyìrzà mamɛ e hwèlì è ya eni. È ŋgbè hvɛ Lohwɛ̀ è yɔ ema e hwèlì e ya eni.”

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 13:7

Tɔ̀ ima mɔ̀ hwa anyu rzɔ a hwa rzaweya mamɛ aŋgàmɛ̀nɛ̀yi lì hwa rzaweya. Tɔ̀ ima wòlì ema hwa e ijò ò lì rzàawà, ò erzàŋgò ema e hwɛni. È òke hwatò ema e hwɛni lì òka wɔ̀ŋgɔ̀, ndèŋgànà e ŋgbe hvɛ èluhwe ò hwatò ema e hwɛni lì ŋgba èluhwe.

Ròmànì 6:13

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

1 Pètrò 2:17

È ŋgbe hwatò hwa arzɛ èluhwe. È lìŋgàne hwaŋga hwatò ema wɔ̀ hvɛ hwa lòkɛ̀ Krirztò. È ŋgbe Lohwɛ̀ èluhwe. È ŋgbe hvɛ e kìŋgɛ ndɛ̀ɛ̀ndɛ̀ èluhwe.