Makòrzì 12:15 - Mokpwe: Bakwery (New Testament)

¹⁵ Ndi Yerzù à mà ayèmbɛ meeyànò me awu, rzìi a òhwa nanù ema, “Mamɛ ndèŋgàtɛ̀ e nò kèkìrzɛ nanù e? È nò jàneyà kahvà hvɔ̀kɔ ya ɛ̀ɛkɛ̀, na e inje.”

Makòrzì 12:15 Mawu Ofanana

Matiyò 20:2

O mburza ya màrzèelì mò hwàgbèèlì, wɔ hwà mà ayemànɛ̀lɛ̀ ò mòrzahwèlì mò wùnyà wɔ̀kɔ, ndèŋgànà mò a e hwa òma ò eŋge hvaya.

Matiyò 22:18

Ndi Yerzù à mà hwiye màlùtèyà ma awu ma wòhwe, rzi a hwa timbirzɛlɛlɛ nanù ema, “Inyɔ hwatò hwa mèhvìlì, mamɛ ndeŋgatɛ e arza ndi lì nò kɔ̀hweyà e?

Makòrzì 10:2

Lòŋgò là Ihvalìrzàyì hwa mà jà ò lì mò kèkirzɛ̀. Hwa mò ijòwa nanù ema, “Ò jò òhweyà, è mbenda è arzu è ŋgbelì mòjòmɛ̀ wònjà nanù ema à hvayè jòjìyɛ̀ wà eni e?”

Makòrzì 12:14

Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”

Makòrzì 12:16

Hwà mà mò jàneyà èŋge kahvà rzìi a hwa ijòwà nanù ema, “Èlìŋgɛ̀ ya ama njɛnɛ ene e? Liinà la ama njɛnɛ lìni e?” Hwa mà mò alàhwɛ̀ nanù ema, “È hwe ama Kayirzà.”

Lukàrzɛ̀ 20:23

Yerzù à mà ayèmbɛ meyànò me awu, rzìi a hwa òhweyà nanù ema,

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 8:6

Wɔ̀ hwà mà gbeyàna ndi mene miijòwelì nàa ŋgundèli, ò lì lùwa njɔ̀mi ò lì mò hwɛlɛ. Ndi Yerzù mɔ̀ à mà ujama ò rze, rzìi a wòteya lì tìla na jɔ̀nɔ ja eni ò mɔ̀nyɛ̀ nàa a rzì hweye mamɛ hwà mà òhwe.

Hwègbèèlì 5:9

Aŋga ndi Pètrò a à mò ijòwa nanù ema, “Mamɛ ndèŋgàtɛ ò wa na mòjòmɛ̀ wà aŋgɔ̀ e kèkirzɛ Èlìŋgɛ̀ ya ama Rzàŋgò e? Onò òkànèyà tɛ, meŋge meleka ema me imelì mòjòmɛ̀ wà aŋgɔ̀ meeŋge me hwèlì nàŋgɛ ò lìyòhva meyɔhvɛ̀ ndi me ò hwanɛ̀ ŋmìimbà mò aŋgɔ̀ ò ewòka.”

1 Kɔ̀rintìyà 10:9

I rzi kèka lìkèkirzɛ Rzàŋgo nà oma lòŋgò la awu hwà mà gbèye rzìi màahwà mà hwa rzòmbà rzìi hwa kùwa lì ŋwa.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.