Makòrzì 11:32 - Mokpwe: Bakwery (New Testament)

³² Ndì jò òhwì tɛ nanù ema, ‘È wònjà yà eni è uwɛ̀lɛ̀lɛ̀yi ndi ò hwatò.’” (Hwà mà òkà hwatò wɔŋgɔ̀ èhwanjà tɔ̀ imà mòtò à mà lòkɛ̀ nanù ema Yòwanìrzɛ̀ à hwèlì ndì Mòòhwèlì wà Èlìŋgɛ̀ nà è jɔ̀kɛ̀).

Makòrzì 11:32 Mawu Ofanana

Matiyò 11:9

È na òhweyà rzɔ mamɛ ema inyɔ e ma wurze ò lì ɛndɛ lì ɛnɛ e? Mòòhwèlì wà èlìŋgɛ̀ ndi e ma arze lì ɛnɛ e? Ò jɔ̀kɛ̀ inyɔ e ma ɛnɛ mòtò ema a akayi Mòòhwèlì wà èlìŋgɛ̀.

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Makòrzì 11:31

Hwà mà àwòhwànɛ̀lɛ̀ wɔ̀ hwìti nanù ema, “Jò òhwì tɛ nanù ema, ‘È wònjà ya ama Yòwanìrzɛ̀ e uwɛ̀lɛ̀lɛ̀yi ndi ò Lohwɛ̀,’ à jò ijòwa nanù ema, ‘Mamɛ ndèŋgàtɛ è rzìi mò lòkɛ̀ e?’

Makòrzì 11:33

Rzìi hwà alàhwɛ Yerzù nanù ema, “Ì rza hwi” Yerzù rzìi à hwa tìmbirzɛlɛlɛ nanù ema, “Tɔ̀ ìmba hvɛ̀ nà rza tanɛ̀ lì è òhweyà imà wònjà nà gbeyànà hwenè hweyà.”

Makòrzì 12:12

Hwakànèlì hwa Irzàyɛ̀lì hwa mà àrza lì lɛ̀mbɛ Yerzù, èhwanja wɔ̀ hwà mà hwiya nanù ema wɔ̀ ndi Yerzù a kpɛɛlì mònò ŋmàna. Ndi wɔ̀ hwa mà òka e ŋgìndì wɔ̀ŋgɔ̀, rzìi hwa mò hwɛmɛ, hwa ɛ̀ndɛ e ya awu.

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 22:2

È Pìlìrzì ndɛnɛ nà hwà-òkòlèlì hwa mbenda, hwà mà òka hwatò wɔ̀ŋgɔ̀. Ndi hwa mà hwɛ lì àrza ŋmanò mò lì òŋwà Yerzù ò jùtuta.

Yòwanìrzɛ̀ 10:41

Rzayi-rzayi ja hwatò hwà mà hwɛ lì mò jèeya. Hwàŋga hwatò hwà mà hwɛ lì òhwa nanù ema, “Yòwanìrzɛ̀ è Mòlùhwìrzèlì a rzi hwɛ lì gbeyà hweyà hwe mànyakà ndì tɔ̀ mamɛ ema à mà òhwe lì hvòmɛ̀nɛ̀ ònò mòtò hwe hwèlì ndì e jɔ̀kɛ̀.”

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.