Makòrzì 11:18 - Mokpwe: Bakwery (New Testament)

¹⁸ Ipìlìrzì ndɛnɛ nà hwà-òkòlèlì hwa mbenda hwà mà hweyè nà òmà Yerzù à mà òhwe nanù rzìi hwà wòteyà lì arzà njɔ̀mi ò lì mò òŋwà. Hwà mà mò òkà wɔ̀ŋgɔ̀ ehwànja è ŋgìndì ya arzɛ̀ è mà òndà nà hwètàmirzèlì ò hwèyòkòlèlì hwe eni.

Makòrzì 11:18 Mawu Ofanana

Matiyò 21:15

Ndi na òma Ipìlìrzì ndɛnɛ na Hwà-òkòlèlì hwa mbenda hwà mà ɛnɛ hwenè hweyà hwe mànyakà ema Yerzù à mà hwɛ lì gbeyà, ndèŋgànɛ̀lɛ̀ hvɛ merzeya ema hwàna hwarzàlì hwà mà hwɛ lì tɛ nanù ema, “Jèèka i hwɛ na è Ŋmanà wà e nyɔ̀ŋgɔ̀nì ya ama Dàhwitì,” hwà mà tàta rzayi-rzayi.

Matiyò 7:28

Nà òma Yerzù à mà kulɛ ò lì òhwa hwenè hweyà è ŋgìndì ema è mà mò òkànèyà è mà tàmeyà hwèyòkòlèlì hwe eni,

Makòrzì 1:22

Hwatò ema hwa mà hwɛ lì mò òkànèyà, hwa mà tàmeyà hwèyòkòlèlì hwe eni èhwanja a mà òkòlɛ̀nɛ̀ nà lìkànèyà, à rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 11:32

Ndì jò òhwì tɛ nanù ema, ‘È wònjà yà eni è uwɛ̀lɛ̀lɛ̀yi ndi ò hwatò.’” (Hwà mà òkà hwatò wɔŋgɔ̀ èhwanjà tɔ̀ imà mòtò à mà lòkɛ̀ nanù ema Yòwanìrzɛ̀ à hwèlì ndì Mòòhwèlì wà Èlìŋgɛ̀ nà è jɔ̀kɛ̀).

Makòrzì 12:12

Hwakànèlì hwa Irzàyɛ̀lì hwa mà àrza lì lɛ̀mbɛ Yerzù, èhwanja wɔ̀ hwà mà hwiya nanù ema wɔ̀ ndi Yerzù a kpɛɛlì mònò ŋmàna. Ndi wɔ̀ hwa mà òka e ŋgìndì wɔ̀ŋgɔ̀, rzìi hwa mò hwɛmɛ, hwa ɛ̀ndɛ e ya awu.

Makòrzì 3:6

Ihvalìrzàyì i mà wurza ò èwòkà, rzìi hwa ùŋmanɛlɛ hwatò hwa ehvehva ya ama Hɛ̀rɔ̀dì, rzìi hwa wòteyà lì arza ŋmanò nɛ wɔ̀ hwa tànɛyì lì òŋwa Yerzù.

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Lukàrzɛ̀ 19:47

Wùnyà tɛ, Yerzù à mà hwɛ lì òkòlɛ̀ ò Ndawò yà Lohwà. Ipìlìrzì ndɛnɛ̀ nà hwà-òkòlèlì hwa mbenda, nà hwàtìmbèlì hwa hwatò, hwa mà hwɛ ndi lì àrza ŋmànò ò lì mò òŋwà.

Lukàrzɛ̀ 2:47

Hwa arzɛ ema hwà mà hwèya hweyà ema Yerzù a mà òhwe, hwa mà tàmeya lìhwiyè nà hwè-alàhwèlì hwe eni.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 4:22

Hwa arzɛ hwa mà mò eka, ndèŋgà hwa mà tàmeya hweyà hwe gbamù ema hwe ma wurza ò wàna yà èni. Rzìi hwa à ijòwà nanù ema, “Rzèke è ŋmanà wà ama Jòrzɛ̀hvù ònò e?”

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 7:19

È rza enje e jɔ̀kɛ̀ nanù ema Mòrzè à mà e ŋgba imbenda e? Tɔ̀ nɛ tɔ̀ mɔ̀kɔ wa anyu a rza ika ini mbenda. Mamɛ rzɔ ndèŋgàtɛ̀ e arza lì nò òŋwa e?”

Yòwanìrzɛ̀ 7:46

Rzìi hwàkutu hwa e Ndawò yà Lohwà hwa òhwa nanù ema, “I rzi hweyi wùnyà ema mòtò à mà òhwɛ nàa ò nò mòtò a òhwi.”

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”