Makòrzì 11:17 - Mokpwe: Bakwery (New Testament)

¹⁷ Rzìi à wòteyà lì òkòlɛ̀ hwatò, à òhwà nanù emà, “È rzà enje è jɔ̀kɛ̀ nanù ema e tìlahwì nanù ema, ‘È ndawò yà amì è ò hwɛ̀lɛhwɛ̀ ndì è ndawò yà màkanɛ̀ yà hwèkòmè hwe arzɛ̀ è?’ Ndì inyɔ̀ è e timbìrzɛ̀ ndì èkì yà hwàyihwɛ̀!”

Makòrzì 11:17 Mawu Ofanana

Makòrzì 11:16

À rzà ìmànɛ̀lɛ̀ hvɛ ema tɔ̀ mòtò à wòwè hwèèmà hwe nyòŋga lì akeyà ò èwòka yà è Ndawò yà Lohwà.

Lukàrzɛ̀ 19:46

À mà hwa òhweyà nanù ema, “È tìlahwì ò kaàtì yà Lohwà nanù ema, Lohwɛ̀ à òhwi nanù ema, ‘È ndawò yà amì è hwɛ ndi è ndawò yà màkanɛ̀.’ Ndi inyɔ yè è tìmbìrzɛ̀ ndi èki yà hwàyihwɛ̀.”

Yòwanìrzɛ̀ 2:14

Nà òma à mà uke aŋga rzi à ɛndɛ ò è Ndawò yà Lohwà. Yerzù à mà ùŋmanɛ̀lɛ̀ hwatò ema hwa mà hwɛ lì àhwirzɛ̀, inyàkà, mɛ̀ɛ̀lɛ̀ŋgù nà imbèŋga. Lòŋgò là hwatò hvɛ, hwa mà lìya ndi ò itèhwèlì, rzi hwa kenjirzɛ wòkòndò.

Yòwanìrzɛ̀ 2:16

À mà òhwèyà hvɛ hwaŋga hwatò ema hwà mà hwɛ lì àhwirzɛ̀ imbèŋga nanù ema, “È ulɛ hwenè hwema anù. Nɛ rzɔ inyɔ e tànɛyi lì timbirzɛ e Ndawò ya ama Tatɛ̀ wa ami èki ya èlùwà e?”