Makòrzì 10:49 - Mokpwe: Bakwery (New Testament)

⁴⁹ Yerzù à mà tɛ̀mɛ̀ rzìi a òhwa nanù ema, “È nò hwɛlɛlɛ̀ e mɔ̀.” O èŋgànɛ̀lɛ̀ hwa mà mò hwɛlɛ, rzìi hwa mò òhweyà nanù ema, “O rza atàkìrzɛ̀ e nyò ya aŋgɔ̀! Tɛmɛ ò ŋmanyu mɔ̀ ònò a ò hwɛlɛ.”

Makòrzì 10:49 Mawu Ofanana

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Makòrzì 10:50

Oŋgò mòtò à mà ulɛ è kòti ya eni a e rzɔ̀njɛlɛ ɔnɛyi, rzìi a tɛ̀mɛ̀ nà màkpàrzi, a ɛ̀ndɛ lì ùŋma Yerzù.

Lukàrzɛ̀ 18:40

Yerzù rzìi a tɛ̀mɛ̀. A òhwa nanù ema, hwa mò jàneyà èŋge ndima. Nà òmà a mà kòmbɛ̀nɛ̀ Yerzù, Yerzù rzìi a mò ijòwa nanù ema,

Yòwanìrzɛ̀ 11:28

O mburza ema Mata à mà òhwɛ nanù, rzìi a timbeya Màlìyɛ̀ rzìi a mò hwɛlɛ ò tòŋgòŋgò rzi a mò òhweyà nanù ema, “È Mòòkòlèlì a hwèlì anù, a ò ijò.”

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.