Makòrzì 10:48 - Mokpwe: Bakwery (New Testament)

⁴⁸ Hwatò rzayì-rzayì hwa mà mò kànja, rzìi hwa mò òhweyà nanù ema a umbe e wàna ya eni! Ndi mɔ̀ à mà tɛ ndi ò ŋmanyu lì aka lìmɛni, nanù ema, “È Ŋmanà wa mùnyanà wà lìhwende la ama Dàhwitì, ò nò òkeya ììlì!”

Makòrzì 10:48 Mawu Ofanana

Matiyò 19:13

Lòŋgò la hwatò hwà mà jàneyà Yerzù hwàànà hwarzàlì ò lì arza nanù ema Yerzù a hwa hwàkɛ màa a hwa kanɛ̀lɛ̀lɛ̀. Ndì hwà-òkòwèlì hwa eni hwà mà lòmeya e wɔ̀ ema hwà mà hwa jànà.

Matiyò 20:31

È ŋgìndì e ma hwa lòmeya nanù ema, “È lìya ŋmɛ̀ɛ.” Ndi wɔ̀ hwà mà tɛɛ hvɛ ndi ò ŋmanyu nanù ema, “È Ŋmanà wà mùnyanà wa e nyɔ̀ŋgɔ̀ni ya ama Dàhwitì, Rzàŋgò, ò jò òkeya ììlì!”

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Makòrzì 10:13

Hwatò hwa mà hwɛ lì jànà hwàanà ò ma Yerzù nanù ema a hwa hwàkɛ lìya la eni rzìi a hwa nàmìrzɛ̀. Ndi hwà-òkòwèlì hwa eni hwà mà lòmeya hwaŋga hwatò.

Makòrzì 5:35

Nà òmà Yerzù à mà hwɛ lì òhwa nanù, rzìi lòŋgò la hwatò hwà mà uhwɛlɛlɛ̀ ò ndawò yà ama Jàrìyɔ̀rzɛ̀. Hwa òhweyà Jàrìyɔ̀rzɛ̀ nanù ema, “È ŋmanà ŋgɔ̀ndɔ̀ wa aŋgɔ̀ à mà màà lì ŋwa. Mamɛ ndèŋgàtɛ̀ ò tàkìrzɛ̀ è Mòòkòlèlì ema a jèe hvɛ ò ndawò ya aŋgɔ̀ e?”

Lukàrzɛ̀ 18:39

Hwàŋga hwatò ema hwà mà hwɛ ò wòrzò wò èŋge ŋgìndì, rzìi hwa lòmeya èŋge ndima ema, a umbe è wàna yà eni. Ndi mɔ̀ à mà tɛ hvɛ lì akà lìmɛ̀nì nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ìmba ììlì!”

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.