Makòrzì 10:47 - Mokpwe: Bakwery (New Testament)

⁴⁷ È hvònda ema a mà hweye nanù ema Yerzù wa Nàrzarɛ̀tì mɔ̀ ndi à aka, rzìi a wòteya lì tɛ nanù ema, “Ìi Yerzù è Ŋmanà wà mùnyanà wa lìhwende la ama Dàhwitì ò nò òkeya ììlì!”

Makòrzì 10:47 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 12:23

Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?”

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 2:23

À ɛ̀ndɛ̀ rzi à lìya ò mbòwà ndɛnɛ ema è mà hwɛ̀lɛ̀hwɛ̀ Nàrzàrɛ̀tì. Ene è mà gbèyɛ̀nɛ ndi ò lì òndìrzɛ̀ mamɛ Lohwɛ̀ à mà òhwèyà hwà-òhwèlì hwa hwèlìŋgɛ̀ lì hvòmɛ̀nɛ̀ Yerzù nanù ema, “À ò hwìyɛ̀nɛ ndi nàa mòtò wà Nàrzàrɛ̀tì.”

Matiyò 20:30

Hwatò hwahwakɛ ema hwà mà hwɛ ndima hwà mà lìya ò tòŋgòŋgò ya njiya. Nà òma hwà mà hweye ema Yerzù mɔ̀ ndi à hwèlì a aka, rzìi hwa wòteyà lì tɛ nanù ema, “Ìi Rzàŋgò e Ŋmanà wà munyanà wà ama e nyɔ̀ŋgɔ̀nì ya ama Dàhwitì ò jò òkeya ììlì!”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Matiyò 21:9

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

Matiyò 26:71

Aŋga ndi à anjiya aŋgà rzìi à ɛ̀ndɛ lì kòmbɛ̀nɛ̀ hwèkpèèlì hwe è kɔ̀tɔ̀ yà eŋge ewòka rzìi ò hvɛhvɛ mògbèèlì wà ŋgɔ̀ndɔ̀ à mò ɛnɛ rzìi à òhweyà hwatò ema hwa mà hwɛ aŋga nanù ema, “Onò mòtò à mà hwɛ nà Yerzù è mòtò wà è mbòwa yà Nàrzarɛ̀tì.”

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Yòwanìrzɛ̀ 1:46

Nàtànìyɛ̀lì rzìi à ijòwa nanù ema, “Ima lìtumba là eyà yà gbamù è tànɛyi lì uwɛlɛlɛ ò mbòwà yà Nàrzàrɛ̀tì e?” Hvìlìpì rzi à mò alàhwɛ̀ nanù ema, “Jà anù ò ɔ̀ŋgɔ.”

Yòwanìrzɛ̀ 19:19

Pìlatò rzìi à tìla mòtìla ò ehwambò rzìi à è wòmeyà ò mbarza, ò ŋmanyu teŋyi lì aka èki ema mòòhvò mò ama Yerzù mò mà hwɛ. Mòtìla mò mà hwɛ nanù ema, “Yerzù mòtò wà è mbòwa yà Nàrzarɛ̀tì è Kìŋgɛ yà wònyà Yudà.”

Yòwanìrzɛ̀ 7:41

Lòŋgò la hwahvɛhvɛ hwatò hwa mà hwɛ ndi lì òhwa nanù ema, “À hwèlì ndi è Mɔ̀ à Ɔ̀kirzɛ̀hwɛ̀yi.” Tɔ nɛ, lòŋgò hvɛ hwà mà hwɛ ndi lì òhwa nanù ema, “Ndi è Mɔ̀ ema à Ɔ̀kirzɛ̀hwɛ̀yi à rza tànɛyi lì uwɛ̀lɛ̀lɛ̀yi ò Galìlì.

Yòwanìrzɛ̀ 7:52

Rzìi hwa òhwa nanù ema, “Wàhvɛ o uwɛ̀lɛ̀lɛ̀yi ndi ò Gàlìlì e? O arze ò Kààtì ya ama Lohwà ò ɛnɛ ò wà witi ema tɔ̀ Mòòhwèlì wà èlìŋgɛ̀ a rzi uwɛ̀lɛ̀lɛ̀yi ò Gàlìlì.”

Hwègbèèlì 6:14

I ma mò hwèya a òhwa nanù ema ònò Yerzù wa Nàrzàrɛ̀tì a rzuulɛ ene Ndawò yà Lohwà a eŋgòwa hvɛ hwɛ̀ɛ̀mɛ̀ hwe arzu ema hwe jò ŋgbàahwì na Mòrzè.”

Hwèwulùwèlì 22:16

“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”