Makòrzì 10:43 - Mokpwe: Bakwery (New Testament)

⁴³ Ndi è rzà hwɛnì lì hwɛ nanù nà inyɔ̀. Tɔ̀ ima mɔ̀ wà anyu ema a arza lì hwɛ è mòndɛnɛ wa anyu, a hwɛnì ndi lì hwɛ è mògbèèlì wà anyu.

Makòrzì 10:43 Mawu Ofanana

Makòrzì 10:42

Yerzù a mà hwa hwɛlɛ wɔ̀ hwa arzɛ ò lì mò kòmbɛ̀nɛ̀ rzìi a òhwa nanù ema, “È hwi ema hwaŋga ema hwa hwiyahwi nàa hwàkànèlì hwa ene rze, nà hwàmbaki hwa mbòwà, hwa gbeyàna ŋginyà ò lì kànèyà hwaŋga hwatò ema hwa hwèlì ò rze ya awu.

Makòrzì 10:44

Tɔ̀ njɛnɛ wa anyu hvɛ ema a arza lì hwɛ è wa wòrzò, a àŋgàmɛ̀nɛ̀yi ndi lì hwɛ è mòkòme wà hwatò hwa arzɛ.

Makòrzì 9:35

Yerzù rzìi a lìya ò rzè rzìi a hwɛlɛ lìyòmɛ̀ la eni la hwà-òkòwèlì na hwa hwàkɛ rzìi a hwa òhweyà nanù ema, “Tɔ̀ njɛnɛ ema à àrza lì hwɛ è mòndɛnɛ mɔ̀ ndi à àŋgàmɛ̀nɛ̀yi lì hwɛ è wà lìrzukù, rzìi a hwɛ hvɛ è mògbèèlì wà hwa arzɛ.”

Lukàrzɛ̀ 14:11

O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 18:14

Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Lukàrzɛ̀ 22:26

Ndi e rzà hwɛnì lì hwɛ nanù nà inyɔ. O ìtììtènì ja anyu, è mɔ̀ ema a tìmbà a hwɛ ndi nàa e mɔ̀ ema a utu. È mòtimbèlì hvɛ à hwɛnì ndi lì hwɛ nàa mògbèèlì.

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.