Makòrzì 10:33 - Mokpwe: Bakwery (New Testament)

³³ À mà hwa òhweyà nanù ema, “È hwiye nanù ema ja agba ndi ò Jèrurzalɛ̀mù, aŋga ndì è Ŋmanà wà è Mòtò wà Hwènàmà a hwɛnì lì ŋgbààhwà ò màà mà è Ipìlìrzì ndɛnɛ nà hwà-òkòlèlì hwa mbenda. Wɔ̀ hwa mò akɛlɛlɛ è mbàkò ya kpelì, rzìi hwa mò akɛlɛ ò màà mà hwatò ema hwa rza enje hwatò hwa Irzàyɛ̀lì.

Makòrzì 10:33 Mawu Ofanana

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 26:66

Rzìi à hwa ijòwa nanù ema, “Mamɛ inyɔ hvɛ e ɔ̀ŋgɛ̀lɛ̀ e?” Wɔ̀ hvɛ hwa tìmbìrzɛ̀lɛ̀lɛ̀ nanù ema, “A tùu ŋmaŋgò ò èŋgànɛ̀lɛ̀ rzɔ, a kànɛ̀ lì ŋwa.”

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Makòrzì 14:64

“È mà hweya nà òmà mɔ̀ à hwɛ̀nyɛ̀ Lohwɛ̀. Mamɛ è hwɛnì ò lì òhwa lì mò hvòmɛ̀nɛ̀ e?”

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Makòrzì 8:31

Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Makòrzì 9:12

Yerzù rzìi a hwa tìmbìrzɛ̀lɛ̀lɛ̀ nanù ema, “Nà è jɔ̀kɛ̀, Èlàyijà a hwɛnì lì lòma lì jà ò lì rzɛ̀ŋgɛ̀nɛ̀ hweyà hwe àrzɛ. Mamɛ ndèŋgàtɛ̀ e tìlahwì ò Kaàti ya ama Lohwɛ̀ nanù ema è Ŋmanà wà è Mòtò wà Hwènàmà à hwɛnì lì taka rzayì-rzayì, rzìi hwa mò ndinda e?

Makòrzì 9:31

Èhwanja à mà hwɛ lì òkòlɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hweni lì ŋgbààhwà ò hwatò hwa hwènàmà, wɔ̀ hwa mò òŋwa. O mburzà ya menya meyawò, a hvùmùwà ò lòŋgɛ.”

Lukàrzɛ̀ 23:21

Rzìi hwa lòrzòwa hvɛ nà ŋginyà, nanù ema “Ò mò wòmeya ò mbarza, ò mò wòmeya ò mbarza!”

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:32

Ène eyà e ma gbèyɛ̀nɛ ndi nanù, ò lì òndìrzɛ̀ eyà e ma Yerzù à mà lòme lì òhwa, lì hvòmɛ̀nɛ̀ e tumba kpelì ema mɔ̀ à ò ŋwɛ.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 20:22

Ndeŋgànɛ̀lɛ̀ ò naŋgɛ, na òma èlìŋgɛ̀ e nò lìyɛlɛ, na àŋgàmɛ̀nɛyi lì ɛndɛ ò mbòwa ndɛɛndɛ ya Jèrurzalɛ̀mù tɔ̀ nɛ na rza hwiyɛ mamɛ ema e ò nò gbèyɛ̀nɛ aŋga.

Jèmìrzì 5:6

Inyɔ e ohwa nanù ema hwatò ema hwa gbeyà hweyà ema hwe hvomɛ̀nɛ̀yi o worzo wo ama Lohwɛ̀ hwa hwèlì ndi hwatò hwa wòhwe, ndeŋgànɛlɛ inyɔ e hwa oŋwa. Hwa rza tànɛyi lì tɛ̀mɛ̀ o lì e teŋgɛ̀nɛ̀.