Makòrzì 10:24 - Mokpwe: Bakwery (New Testament)

²⁴ Ndi hwà-òkòwèlì hwà mà Yerzù hwa mà tameya è mbɔrzi ya eni, Yerzù rzìi a òhwa hvɛ nanù ema, “Ìi wònyànyàŋgò hwa ami, e ambi lì kpèeyà ò Lìkànèyà là ama Lohwɛ̀!

Makòrzì 10:24 Mawu Ofanana

Matiyò 19:25

Nà òma Hwà-òkòwèlì hwa eni hwà mà hweye nanù hwà mà tàmà rzayì-rzayì rzìi hwa mò ijòwa ema, “Njɛnɛ rzɔ a tànɛyi lì rzùŋgahwà e?”

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 10:23

Yerzù rzìi a hvɛ̀ŋgeya hwà-òkòwèlì hwa eni mìirzɔ̀, a hwa òhweyà nanù ema, “È ɛni ema e ambani hwèwàŋgì ò lì kpèeyà ò Lìkànèyà là ama Lohwɛ̀.”

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Yòwanìrzɛ̀ 13:33

Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 21:5

Yerzù rzìi a hwa ijòwa nanù ema, “Ìi mbunda ja ami, e rzi lɛmbi tɔ̀ yòma e?” Rzìi hwa mò alàhwɛ̀ nanù ema, “Jàyɛ̀, i rza lɛmbi tɔ̀ yòma.”

Yòwanìrzɛ̀ 6:60

Rzayì-rzayì ja hwatò ema hwà mà hwɛ lì òŋgama Yerzù na òma hwà mà hweye hwene hweyà rzìi hwa òhwa nanù ema, “Hwene hwèyòkòlèlì hwe ambi ò lì rzɔ̀ŋgìtɛ̀nɛ̀, njɛnɛ mɔɔ a tànɛyi lì e emeyà lìni lìtumba la eyà e?”

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.

Hwèwulùwèlì 3:17

Inyɔ e ohwa nanù ema, ‘È hwèlì ndi hwèwàŋgì, e ohvi hwèèmà hwe arzɛ, e rza takeya tɔ̀ yoma.’ Ndi inyɔ e rza hwi nanù ema e hwèlì ndi hwatò ema e taka rzayi-rzayi hwatò ema e okahwɛlɛ ìilì, hwatò ema e hwèlì mèlìrza, hwatò ema e hwèlì ndima ndèŋgànɛ̀lɛ̀ hwatò ema e hwèlì mèrzombo.