Makòrzì 10:23 - Mokpwe: Bakwery (New Testament)

²³ Yerzù rzìi a hvɛ̀ŋgeya hwà-òkòwèlì hwa eni mìirzɔ̀, a hwa òhweyà nanù ema, “È ɛni ema e ambani hwèwàŋgì ò lì kpèeyà ò Lìkànèyà là ama Lohwɛ̀.”

Makòrzì 10:23 Mawu Ofanana

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Makòrzì 10:22

È hvònda òŋgò mòtò ama hweye nanù, wòrzò wò eni wò mà kpa rzìi a tìmbana ŋmèma mò lìti, èhwanja à mà hwɛ ndi èhwàŋgì ya mòtò ndɛɛ̀ndɛ.

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Makòrzì 5:32

Yerzù à mà wòteyà lì ɔ̀ŋgɔ e ŋgindi ya hwatò ò lì arza lì hwiya e mòtò ema a mò tɔ̀ti na lìya la eni ò mòŋgòmbè mò enì.

Lukàrzɛ̀ 18:24

Yerzù à mà ɛ̀nɛ nà òmà òŋgò mòtò a mà tìmbe rzɔ̀luu, rzìi a òhwa nanù ema, “È ambi rzayii ema hwèwàŋgì hwe hwatò hwe kpèeyà ò Lìkànèyà là ama Lohwɛ̀.

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

1 Kɔ̀rintìyà 1:26

Ìi wònyàmowe kòkò, è rzì hvoŋga inyayi jà hwatò ema ì mà hwɛ lìrzako ema Lohwɛ̀ à mè hwɛlɛ. Hwatò hwa ene rze hwa mà è ɛnɛ lòŋgo là anyu nàa hwatò ema hwa ohvi lìhwiyè. Lòŋgò là anyu ema hwɛ ndi hwàkànèlì, lòŋgo là anyu hvɛ, è mà uwɛ̀lɛ̀lɛ̀yi ndi ò mòtendè mò hwàkànèlì.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.