Makòrzì 10:20 - Mokpwe: Bakwery (New Testament)

²⁰ Rzìi ò nò mòtò a mò alàhwɛ̀ nanù ema, “Ìi Mòòkòlèlì nà mà gbeyàna ini mbenda lì wòteya na mà hwɛ ŋmanà.”

Makòrzì 10:20 Mawu Ofanana

Matiyò 19:20

Eŋge erzɔ̀mbɛ̀ ya mòtò rzìi e a alàhwɛ̀ nanù ema, “Nà ma ika ini mbenda ja arzɛ. Mamɛ hvɛ na hwɛni lì gbeyà e?”

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Lukàrzɛ̀ 10:29

Ndi òŋgò mòòkòlèlì wà mbenda à mà àrza lì arzùŋgɛ̀, rzìi a ijòwa nanù ema, “Njɛnɛ à hwèlì ŋmanyàŋgò wa ami e?”

Ròmànì 7:9

O ma hwɛ hvònda ema nà mà hwɛ lòŋgɛ na rzi hwiye e mbenda. Ndi e hvònda ema nà mà hwiye e mbenda, ilema ja ami ja lì gbeyà wòhwe i ma hwema ò èŋgànɛ̀lɛ̀ nà mà ŋwa.

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.