Makòrzì 10:17 - Mokpwe: Bakwery (New Testament)

¹⁷ Nà òmà Yerzù à mà wòteyà lì ɛ̀ndɛ, mòtò mɔ̀kɔ à mà hwaŋga, à mò ùŋmanɛlɛ rzìi à mò rzùmeya màwɔ̀ŋgɔ̀ŋgɔ̀ ò wòrzò wò eni, rzi à mò ijòwa nanù ema, “Ìi Mòòkòlèlì wà gbamù mamɛ nà tànɛyi lì gbeyà ò lì lùwa lòŋgɛ là gbìndèyà e?”

Makòrzì 10:17 Mawu Ofanana

Matiyò 17:14

Nà òma Yerzù na Hwà-òkòwèlì hwa eni hwà mà timbè ò lì ùŋmànɛ̀lɛ̀ e ŋgìndì ya hwatò, mòtò mɔ̀kɔ à mà jèeyà Yerzù rzìi a mò rzùmeya màwɔ̀ŋgɔ̀ŋgɔ̀ ò wòrzò wa eni a mò òhweyà ama,

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 28:8

Hwàŋga hwalanà rzìi hwa anjiyana lì ahwèŋgɛ̀ ò rzɔ̀ŋgɔ̀ na wɔ̀ŋgɔ̀ ndi hwà mà ònda na màlìŋgò. Hwa hwaŋga ò lì ɛndɛ lì òhweyà Hwà-òkòwèlì hwa ama Yerzù mamɛ ya arzɛ ema e ma gbèyɛ̀nɛ.

Makòrzì 1:40

Mòtò mɔ̀kɔ ema à mà òka è nyàmbɛ yà mɔ̀lɔ̀ŋgɔ à mà jèeyà Yerzù rzìi à mò rzùmeya màwɔ̀ŋgɔ̀ŋgɔ̀, à mò atɛ̀kɛ̀ nanù ema, “Ò lìŋganì tɛ ò nò tanìrzɛ̀.”

Makòrzì 10:18

Yerzù rzìi à mò ijòwa nanù ema, “Ò mamɛ ndèŋgàtɛ̀ ò nò hwɛlɛ òma Mòòkòlèlì wà gbamù e? Ò rza enje tɔ̀ mòtò tɔ̀ mɔ̀kɔ wà gbamù. Lohwɛ̀ mɔ̀ mɛnɛ ndi à hwèlì gbamù.

Makòrzì 12:14

Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”

Makòrzì 9:25

Ŋgindi ndɛnɛ è mà hwɛ lì hwaŋga ò lì jà lì arzàŋganɛ aŋga. Nà òmà Yerzù a mà ɛnɛ è ŋgìndì e hwaŋga lì jà ò èŋge èki, à mà lòmeya èŋge èlìŋgɛ̀ ya wòhwe nanù ema, “O wa èlìŋgɛ̀ ya hwètòòtò nà mbùke na ò kànèlì nanù ema ò mò wurze, ò rzìi mò kpèeyà hvɛ ò nyò.”

Lukàrzɛ̀ 10:25

Mòòkòlèlì mɔ̀kɔ wà mbenda à mà ɛ̀ndeya Yerzù ò lì mò kèkìrzɛ̀, rzìi a mò ijòwa nanù ema, “Ìi Mòòkòlèlì, mamɛ na tànɛyi lì gbeyà ò lì lùwa lòŋgɛ la gbìndèyà e?”

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Hwègbèèlì 16:30

À ma hwa wurzirzɛ ò ewòka rzìi a hwa ijòwa nanù ema, “Ìi hwa rzàŋgò, mamɛ na hwɛni lì gbeyà ò lì rzùŋgàhwà na Lohwɛ̀ e?”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.