Makòrzì 10:14 - Mokpwe: Bakwery (New Testament)

¹⁴ Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Makòrzì 10:14 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 18:4

Tɔ̀ njɛnɛ rzɔ ema arzìirzɛ mɔ̀ ŋmìti ò lì hwɛ nàa ònò ŋmanà mɔ̀ ndi à hwɛ è mòndɛnɛ ò hwatò ema hwa hwèlì ò ìtììtènì ja lìkànèyà ema lì hwèlì ò ŋmanyu.

Matiyò 19:14

Yerzù rzìi a hwa òhweyà ama, “È hwɛmɛ hwàànà hwarzàlì hwa jèe na imba e rzi keka lì hwa iŋga èhwanja ini nyayi ja hwatò ndi i hwɛnì lìkànèyà là ŋmanyu.”

Matiyò 5:10

Mònàmɛ̀ nà hwaŋga hwatò ema hwa ò hwɛnɛ mètàkà, èhwanja hwa gbèya mamɛ ema Lohwɛ̀ arza nanù ema hwa gbèèye. Hwa hwèlì ndi ò rze yà Likànèyà la ŋmanyu yà lohwà.”

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Makòrzì 8:33

Yerzù rzìi ayèŋgòwɛ̀ lì ɔ̀ŋgɔ hwà-òkòwèlì hwa eni, rzìi a lòmeyà Pètrò nànù ema, “Mòkarzɛ̀ ò nò anjiya ò wòrzò! Mèèmà mò aŋgɔ̀ mò rza enje ò hweyà hwe ama Lohwɛ̀, mò hwèlì ndi ò hweyà hwe hwatò.”

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Hwègbèèlì 2:39

Lini lì kàkɛ̀nɛ̀ lì hwèlì ndi è la anyu na hwàànà hwa anyu na hwaŋga hwatò ema hwa rzɔlɛnɛyi ema hwa rza enje wònyà Yudà. È hwèlì ndi nàa tɔ̀ ima mòtò ema Rzàŋgò ya arzu Lohwɛ̀ à mà hwɛlɛ ò lì hwɛ na mɔ̀.”

Hwègbèèlì 3:25

Eyà ema Lohwɛ̀ à mà òhwe lì akeyà na hwà-òhwèlì hwa hwèlìŋgɛ̀, e ma hwɛ ndi lì e hvòmɛ̀nɛ̀, inyɔ hvɛ e hwɛni lìkayi ò yòòmbò ema Lohwɛ̀ à mà aàtɛ na imbamba ja anyu ja kòhwa. Lohwɛ̀ à mà òhweyà Abràhamù nanù ema, ‘Nà ò nàmìrzɛ̀ hwatò hwa arzɛ ò rze ya mɔ̀nyɛ̀ lì akeyà na e nyɔ̀ŋgɔ̀ni ya aŋgɔ.’

Ròmànì 11:16

È hwèlì tɛ nanù ema, ŋmanà mbumbu wa èhvòòtò e kàkòwàhwi ò èhvòòtò rzurzu ò lì ŋgba Lohwɛ̀ nàa jàhwèyà, nanù òma Lohwɛ̀ ndi à hwɛni èhvòòtò ya arzɛ. Ndèŋgàna meyàŋga me gbee me ŋgbàahwi tɛ Lohwɛ̀, nanù òma mɔ̀ ndi à hwɛni hvɛ hwèkɔ̀kɔ̀.

Ròmànì 11:28

Wònya Yudà hwa hwèlì ndi hwàkɔ̀yèlì hwa ama Lohwɛ̀ nàŋgɛ èhwanja hwa rza lòkɛ̀ Ŋmɛ̀ndì mò Gbamù, ndèŋgànɛ̀lɛ̀ ene e gbèyɛ̀nɛ ndi nanù aŋga nanù inyɔ hwatò ema e rza enje wònyà Yudà e luwa lì kɔ̀tɔ̀wɔ. Tɔ̀ nɛ e hwèlì nanù, Lohwɛ̀ à mà hvɔ̀rzɔ̀ wònyà Yudà ndèŋgànà a hwa lìŋgàni hvɛ nanù mɛnɛ èhwanja ò yòmbò ema à mà ààtɛ̀ na imbamba ja awu.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 7:14

Èhwànja e mòjòmɛ̀ ema a rza lòkɛ̀yi Krirztò a hwɛ wòtani lì akeyà na e jòjìyɛ̀ wà eni ema a lòkɛ̀yi Krirztò o lìhwà la awu. È jòjìyɛ̀ hvɛ ema a rza lòkɛ̀ Krirztò, yɔ hvɛ e hwɛ wòtani lì akeyà e mòjòmɛ̀ wà eni ema a lòkɛ̀yi Krirztò o lìhwa la awu. È rza enje tɛ nanù, hwàanà hwa awu hwa rza hwɛ wòrzaŋgi, ndi o naŋgɛ wɔ̀ hwa hwèlì, wòtani.

Ɛ̀hvìrzìyà 4:26

È tàtì tɛ e rzìi emeyà nanù ema hwetato hwe anyu hwe e lìyɛlɛ o wòhwe. È rzi lìyana hwetàtò wùùnya hwa arzɛ.

2 Tìmotì 1:5

Nà ɔ̀ŋgɛ̀lɛ̀ nanù ema ò mà lòkɛ Yerzù Krirztò nà è jɔ̀kɛ̀. Liŋgi lì lòkɛ̀ mɛnɛ ndi è mbamba yà aŋgɔ̀ wà molanà Lɔ̀yìrzì nà nyɔ̀ŋgɛ wà aŋgɔ̀ Yùnìrzì wɔ̀ hvɛ hwa mà hwɛnɛ. Nà lòkɛ̀ nanù ema ò nàŋgɛ nanù, lìŋgi lìlòkɛ̀ mɛnɛ ndi wà hvɛ ò hwɛni.

2 Tìmotì 3:15

Ndeŋgana o hwi ema lìwòteyà o hwàna o ma hwiya mamɛ eyà ya Lohwà e hwèlì. Ène eyà ya Lohwà yɔ ndi e o ŋgbelì lìhwiyè o lì hwiya nanù ema Lohwɛ̀ à mà o rzùŋga èhwanja o lòkɛ̀ Yerzù Krirztò.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

Hwèwulùwèlì 14:5

Wɔ̀ hwa rzi kɔ̀ɔ tɔ̀ eyà tɔ̀ wùnyà. Ndeŋgànɛ̀lɛ̀ hwa rza ohvi tɔ̀ njɔ̀mi.