Makòrzì 1:43 - Mokpwe: Bakwery (New Testament)

⁴³ Yerzù rzìi à mò òhweyà nanù ema à ɛ̀ndɛ, rzìi à mò kòkòwɛ̀lɛ̀ nɔ̀ke-nɔ̀ke nanù ema,

Makòrzì 1:43 Mawu Ofanana

Matiyò 9:30

Lìwòkìmɛ̀nɛ̀ rzìi hwa ma wòteyà lì ɛnɛ̀. Yerzù rzìi a hwa kòkòhwɛ̀lɛ̀ kɔ̀yi-kɔ̀yi nanù ema, “È rzìi òhweyà tɔ̀ mòtò ene eyà ema e gbèyɛ̀nɛ̀.”

Makòrzì 1:42

Lìwòkìmɛnɛ rzìi èŋge nyàmbɛ yà mɔ̀lɔ̀ŋgɔ è mò hwɛ̀mɛ̀ rzìi à wɔ̀wɔ̀.

Makòrzì 1:44

“Ò rzìi òhweyà tɔ̀ mòtò, mamɛ ema è ò gbèyɛ̀nɛ̀ ndì ɛ̀ndɛ wà àwuŋmɛ̀lɛ̀ è Pìlìrzì, à ò injàneyà. Rzìi ò ŋgbe màhwèyà nà òma è mbenda yà ama Mòrzè è mà òhwe, ò lì uŋmɛ̀lɛ̀ nanù ema ò mà rzàŋga nà lì ŋgba Lohwɛ̀ jèeka.”

Makòrzì 3:12

Yerzù à mà kòkòwɛ̀lɛ̀ hwaŋga hwatò nɔ̀ke-nɔ̀ke àma hwa rzi kèka lì òhweyà tɔ̀ mòtò njɛnɛ mɔ̀ à hwèlì.

Makòrzì 5:43

Yerzù à mà hwa kòkòwɛ̀lɛ̀ kɔ̀yi-kɔ̀yi ema hwa rzi keka lì gbeyà ema mòtò a hwiye mamɛ e gbèyɛ̀nɛ̀yi. A hwa òhweyà ama hwa mò ŋgbe yòma ya lì làa.

Makòrzì 7:36

Yerzù rzìi a hwa kòkòwɛ̀lɛ̀ nɔ̀ke-nɔ̀ke ama hwa rzìi keka lì òhweyà tɔ̀ mòtò ene eyà, ndi tɔ̀ nɛ à mà òhwe nanù, wɔ̀ hwà mà hwatɛ ndi o lì òhwa nanù mɛnɛ.

Lukàrzɛ̀ 8:56

È rzàŋgò nà è nyàŋgò ya àma òŋgò ŋmanà hwa mà tàmà rzayì-rzayì. Yerzù rzìi a hwa òhweyà àma hwa rzì kèka lì òhweyà tɔ̀ mòtò mamɛ ya arzɛ ema e gbèyɛ̀nɛ̀yì.