Makòrzì 1:41 - Mokpwe: Bakwery (New Testament)

⁴¹ Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Makòrzì 1:41 Mawu Ofanana

Matiyò 9:36

È hvònda Yerzù à mà ɛnɛ è ŋgìndì, à mà è òkeyà ììlì rzayi-rzayi. Èhwanja hwa mà tàkirzɛhwɛ, hwa rza òhve hvɛ tɔ̀ lì òŋgòwànà. Hwa mà hwɛ ndi nàa mɛ̀ɛ̀lɛ̀ŋgù ema me rza òhvɛɛ mɔ̀ɔ̀ŋgèlì.

Makòrzì 1:40

Mòtò mɔ̀kɔ ema à mà òka è nyàmbɛ yà mɔ̀lɔ̀ŋgɔ à mà jèeyà Yerzù rzìi à mò rzùmeya màwɔ̀ŋgɔ̀ŋgɔ̀, à mò atɛ̀kɛ̀ nanù ema, “Ò lìŋganì tɛ ò nò tanìrzɛ̀.”

Makòrzì 1:42

Lìwòkìmɛnɛ rzìi èŋge nyàmbɛ yà mɔ̀lɔ̀ŋgɔ è mò hwɛ̀mɛ̀ rzìi à wɔ̀wɔ̀.

Makòrzì 4:39

Yerzù rzìi a tɛ̀mɛ̀ ò ŋmanyu a lòmeyà e mbɛ̀hvɛ̀nì nanù ema e yɔ̀yeyà, rzìi a òhweyà hwèmùnɛ̀ ema hwe lɔ̀kɔ̀meyà, è mbɛ̀hvɛ̀nì e yɔ̀yeyà rzìi èki ya arzɛ hvɛ e hwɛ ŋmɛ̀ɛ.

Makòrzì 5:41

À mà lɛ̀mbɛ lìya la ama òŋgò ŋmanà ŋgɔ̀ndɔ̀ rzìi a mò òhweyà nanù ema, “Talìta Kùmi.” (Ène ŋgàna e hweli ndì nanù ema, “Ŋmanà ŋgɔ̀ndɔ̀, na òhwèlì ema ò tɛ̀mɛ̀nɛ̀ ò ŋmanyu.”)

Makòrzì 6:34

È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.