Makòrzì 1:39 - Mokpwe: Bakwery (New Testament)

³⁹ O èŋgànɛ̀lɛ̀ à mà ɛ̀ndɛ ò erzòòkà yà arzɛ yà Galìlì lì òhwa Ŋmɛ̀ndì mò Gbamù ò indawò jà màkanɛ̀ nà lì wùrzirzɛ̀ hvɛ hwèlìŋgɛ̀ hwe wòhwe ò hwatò.

Makòrzì 1:39 Mawu Ofanana

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 9:35

O èŋgànɛ̀lɛ̀ Yerzù à mà hwɛ lì ɛndɛ ò màmbowà màndɛnɛ nà màmbòwà màrzalì mà eŋge èhvàrzù ma eŋge èkòmè. À mà hwɛ lì òkòlɛ̀ ò ndawò ja awu ja màkanɛ̀ ja wònyà Yudà, na ò lì òhwa Ŋmɛ̀ndì mò Gbamù mò Likànèyà là ama Lohwɛ̀. À mà hwɛ lì wɔ̀wìrzɛ̀ hwà-òkèlì hwa arzɛ na i nyayi ja nyàmbɛ ja arzɛ ema me ma hwɛ ò tenì ja inyɔ ja awu.

Makòrzì 1:21

Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 1:23

Mòtò mɔ̀kɔ ema à mà hwɛ̀nɛ̀ èlìŋgɛ̀ yà wòhwe a kpèeyà ò eŋge ndawò yà màkanɛ̀ rzìi à tɛ̀ɛ̀ nanù ema,

Makòrzì 1:38

Yerzù rzìi à hwa alàhwɛ̀ nanù ema, “Inyɛ̀ jà ɛ̀ndɛ o èhvɛhvɛ èki ò màmbòwà ema mà kòmbɛ̀nɛ̀yi, ò lì arza nanù ema nà òhwe hvɛ Ŋmɛ̀ndì mò Gbamù aŋga èhwanja mòŋgò Ŋmɛ̀ndì mò Gbamù ndi nà jɛlɛlɛ̀ ò rze.”

Makòrzì 3:1

O ehvɛhvɛ hvònda Yerzù à mà kpèeyà ò ndawò yà màkanɛ̀ yà wònyà Yudà. O mà hwɛ munyanà mɔ̀kɔ aŋga ema à ma ɔ̀kirzɛ̀ mɔ̀ɔ̀ mò njɛmbu.

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Makòrzì 7:30

A mà ɛ̀ndɛ rzɔ ò ndawò, a ùŋmanɛlɛ e ŋmanà wa eni a nàŋgayi ò lìnɔ̀ŋgɔ, èŋge èlìŋgɛ̀ ya wòhwe e ma mò hwɛmɛ nà e jɔ̀kɛ̀.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.