Makòrzì 1:32 - Mokpwe: Bakwery (New Testament)

³² O èŋge ŋgòmbe nà òmà èlohwàlohwà è mà rzìhwe, hwatò hwa mà jàneyà Yerzù hwaŋga hwatò ema hwa mà ɔ̀kìrzɛ̀ nà hwaŋga ema hwa mà òhva hwèlìŋgɛ̀ hwe wòhwe.

Makòrzì 1:32 Mawu Ofanana

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 8:16

È hvònda yà è ŋgòmbe yà lohwà, hwatò hwa mà jàneyà Yerzù rzayì-rzayì ja hwatò ema hwa mà òhva hwèlìŋgɛ̀ hwe wòhwe ò tenì ja awu. Yerzù à mà gbeyànà è mbɔrzi yà eni yà wàna ò lì ulɛ̀ hweŋge hwèlìŋgɛ̀ hwe wòhwe, rzìi à wɔ̀wìrzɛ̀ hvɛ hwaŋga hwatò hwa arzɛ ema hwa mà ɔ̀kìrzɛ̀.

Matiyò 8:17

Yerzù à mà gbeyà ndi hwene hweyà hwe arzɛ nanù, ò lì òndìrzɛ̀ ŋmɛ̀ndì ema Lohwɛ̀ à mà òme lì akeyà nà è mòòhwèlì wà èlìŋgɛ̀ Àyìrzayà nanù ema, “À mà jò wòwàna inyambɛ ja arzu ja arzɛ. À mà wòwà hvɛ mètàkà mè arzu mè arzɛ.”

Makòrzì 1:21

Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 1:31

Yerzù rziì à ɛ̀ndɛ ò mà òŋgò mòlanà, à mò lɛ̀mbɛ̀ lìya. À mò òŋgòwànà ò lì tɛ̀mɛ̀. Liŋgi lìyètì lì mà wɔ̀wɔ̀ rzìi òŋgò mòlanà à hwa kàrzɛ̀.

Makòrzì 3:2

O ma hwɛ hwatò aŋga ema hwà mà hwɛ lì arza ò lì mò lùwa njɔ̀mì. O èŋgànɛ̀lɛ̀ hwa mà mò ìnja lòŋgòlòŋgò ò lì ɔŋgɔ̀ ŋgà à wɔ̀wìrzɛ̀ òŋgò mòtò ò Wùnyà wò lì Arzìyòlɛ̀.

Lukàrzɛ̀ 4:40

È hvònda igbe ì mà wòteya lì ɔ̀ndɔ̀meyà, hwa mà mò jàneya hwà-òkèlì hwa nyayi nà nyayi ja nyàmbɛ. À mà kùwa lì hwa hwàkɛ màà mà eni, rzìi hwa arzɛ hwa wɔ̀wɔ̀.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.