Makòrzì 1:28 - Mokpwe: Bakwery (New Testament)

²⁸ Ŋmɛ̀ndì mò ama Yerzù, mò mà eyàlɛ̀nɛ̀ erzòòkà yà arzɛ yà Gàlìlì.

Makòrzì 1:28 Mawu Ofanana

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 9:26

Mene meyàŋgò me ma lìŋgòwa e njàmbɛ̀ ò eŋge èhvàrzù ya arzɛ ya eŋge èkòmè.

Matiyò 9:31

Ndi wɔ̀ hwa ma wurza rzìi hwa timba ndi lì nyàlirzɛ̀ mànyakà ma ama Yerzù ò eŋge èhvàrzù ya eŋge èkòmè ya arzɛ.

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 1:29

Lìwòkimɛnɛ nà òmà hwa mà anjiye ò è ndawò yà Yudà yà màkanɛ̀, Yerzù, Jèmìrzì, nà Yòwanìrzɛ̀ hwa mà ɛ̀ndɛ ò ndawò yà àma Rzìmɔ̀nì nà Àndèlè.

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Lukàrzɛ̀ 4:17

À ma tɛtirzɛhwɛ yòwò ya mòtìlà mò ama è Mòòhwèlì wà Èlìŋgɛ̀ Àyìrzayà. A mà e wuluwe, rzìi a ɛnɛ èki ema e tìlahwi nanù ema,

Lukàrzɛ̀ 4:37

Rzìi ŋmɛ̀ndì mò ama Yerzù, mò eyàlɛ̀nɛ̀ èŋge erzòòkà ya àrzɛ, ò hweyà ema à mà hwɛ lì gbeyà.

Lukàrzɛ̀ 7:17

Mònò ŋmɛ̀ndi mò lì hvomɛ̀nɛ̀ mamɛ Yerzù a mà gbèye mò mà hweyàhwà ò èŋge erzòòkà ya àrzɛ ya Jùdeyà na ò hwèkòmè hwe arzɛ ema hwe ma kòmbɛ̀nɛ̀.