Makòrzì 1:27 - Mokpwe: Bakwery (New Testament)

²⁷ Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 1:27 Mawu Ofanana

Matiyò 15:31

Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 8:9

Imba mbiti nà hwèlì ndi mòtò ò rze yà lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wà njuma nanù ema, ‘Ɛ̀ndɛ,’ ndèŋgànɛ̀lɛ̀ à ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ à jà. Nà òhweyà hvɛ è mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Matiyò 9:33

Nà òma Yerzù à mà wurzirzɛ eŋge èlìŋgɛ̀ ya wòhwe, ò ma òŋgò mòtò ema à mà hwɛ mbùke rzìi òŋgò mòtò a wòteya lì òhwa. È ŋgìndì ema e ma hwɛ aŋga e ma tàmà rzìi hwa wòteya lì òhwa nanù ema, “Ene nyayi ya eyà e rzìi gbèyɛ̀nɛ ò èkòmè ya arzɛ ya Irzàyɛ̀lì.”

Makòrzì 1:26

Èŋge èlìŋgɛ̀ yà wòhwe è rzòkòmɛ̀lɛ̀ òŋgò mòtò nà ŋginyà è tɛɛ rzìi è ànjiya ò nyò yà eni.

Makòrzì 1:28

Ŋmɛ̀ndì mò ama Yerzù, mò mà eyàlɛ̀nɛ̀ erzòòkà yà arzɛ yà Gàlìlì.

Makòrzì 10:24

Ndi hwà-òkòwèlì hwà mà Yerzù hwa mà tameya è mbɔrzi ya eni, Yerzù rzìi a òhwa hvɛ nanù ema, “Ìi wònyànyàŋgò hwa ami, e ambi lì kpèeyà ò Lìkànèyà là ama Lohwɛ̀!

Makòrzì 10:32

Yerzù nà hwà-òkòwèlì hwa eni hwa mà agba ò Jèrurzalɛ̀mù mɔ̀ ndì à mà hvùŋgànà. Hwà-òkòwèlì hwa eni hwà mà tàmà rzayì-rzayì, ndi hwanɛ̀yi hwatò ema hwà mà hwa òŋgama hwa mà òhva wɔ̀ŋgɔ̀. Nà òmà hwa mà hwɛ lì ɛ̀ndɛ, Yerzù rzìi a wòwa hwà-òkòwèlì hwa eni ò tòŋgòŋgò hvɛ rzìi a hwa òhweyà mamɛ ema e hwɛnì lì mò gbèyɛ̀nɛ.

Makòrzì 16:5

Nà òmà hwà mà àyinɛ̀lɛ̀ ò tenì ya èŋge rzɔ̀ŋgɔ̀, rzìi hwa ùŋmanɛlɛ mbèrza yɔ ndi è wɔti mòŋgòmbè, mò mbɔmi, e lìyayi ò èhvarzù ya mɔ̀ mò mòmɛ̀ la èŋge rzɔ̀ŋgɔ̀. Wɔ̀ hwa mà lɛmbeya wɔ̀ŋgɔ̀ wò ndɛnɛ̀.

Makòrzì 16:6

Èŋge mbèrza rzìi e hwa òhweyà nanù ema, “È rza òka tɔ̀ wɔ̀ŋgɔ̀. Nà hwi nanù ema e àrza ndi Yerzù e mòtò wa Nàrzàrɛ̀tì, ema hwà mà wòmeya ò mbarza. Mɔ̀ à mà hvùmùwà! À rza enje anù. È ɔ̀ŋgɔ tɛ èki ema hwa mà mò nàŋgɛlɛ.

Makòrzì 7:37

Tɔ̀ ima mɔ̀ ema a mà hwèya hwenè hweyà a mà hwe tameya rzayì-rzayì, rzìi hwa òhwà nanù ema, “A gbèyi hweyà hwe arzɛ gbamù. A gbeyà hvɛ hwetòòtò hwe hweyà, ìmbùke hvɛ jò òhwa.”

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

Lukàrzɛ̀ 9:1

Yerzù a mà hwɛlɛ lìyòmɛ̀ la hwà-òkòwèlì la eni nà hwàhwàkɛ̀ èki yɔ̀kɔ. Rzìi à hwa ŋgba è ŋginyà nà wònjà ò lì hvayà hwèlìŋgɛ̀ hwe wòhwe, nà ò lì wɔ̀wìrzɛ̀ hvɛ ì nyàmbɛ ja arzɛ.

Hwègbèèlì 17:19

O eŋgànɛ̀lɛ̀ wɔ̀ hwà mà wòwa Pàwolò rzi hwa mò ɛ̀ndɛ̀nɛ̀ ò wòrzò wò hwèlìyelì hwe mbòwa ema hwe hwɛ̀lɛ̀hwɛ̀ Àrèyòpàgùrzì, ema hwà mà òhwe nanù ema, “I tanɛyi lì hwiya mamɛ hwene hwèyòkòlèlì hwe hvènya ema ò òkòlɛ hwe hwèlì e?