Makòrzì 1:21 - Mokpwe: Bakwery (New Testament)

²¹ Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 1:21 Mawu Ofanana

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Makòrzì 1:20

Nà òmà à mà hwa ɛnɛ, à mà hwa hwɛlɛ. Hwa mà hwɛmɛ è rzàŋgò yà awu Rzɛ̀bɛ̀dì nà hwàgbèèlì ò wɔ̀lɔ̀, rzìi hwa nɔ̀ŋgɔ̀ Yerzù.

Makòrzì 1:29

Lìwòkimɛnɛ nà òmà hwa mà anjiye ò è ndawò yà Yudà yà màkanɛ̀, Yerzù, Jèmìrzì, nà Yòwanìrzɛ̀ hwa mà ɛ̀ndɛ ò ndawò yà àma Rzìmɔ̀nì nà Àndèlè.

Makòrzì 1:33

Hwatò hwa arzɛ hwa èŋge mbòwà hwa mà arzàŋganɛ ò èwòkà yà è ndawò yà àma Rzìmɔ̀nì.

Makòrzì 1:39

O èŋgànɛ̀lɛ̀ à mà ɛ̀ndɛ ò erzòòkà yà arzɛ yà Galìlì lì òhwa Ŋmɛ̀ndì mò Gbamù ò indawò jà màkanɛ̀ nà lì wùrzirzɛ̀ hvɛ hwèlìŋgɛ̀ hwe wòhwe ò hwatò.

Makòrzì 10:1

Yerzù à mà anjiya èŋgè èkì rzìi à akeyà ò erzòòkà yà Jùdeyà rzìi à akeyà ò mòrzò mò Jɔdànì. Ŋgìndì yà hwatò è mà hwɛ lì mò jèeyà nàa ɛ̀ɛ̀mɛ̀ yà eni è mà hwɛ, à mà hwa òkòlɛ̀.

Makòrzì 2:1

O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Makòrzì 3:1

O ehvɛhvɛ hvònda Yerzù à mà kpèeyà ò ndawò yà màkanɛ̀ yà wònyà Yudà. O mà hwɛ munyanà mɔ̀kɔ aŋga ema à ma ɔ̀kirzɛ̀ mɔ̀ɔ̀ mò njɛmbu.

Makòrzì 6:2

È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Lukàrzɛ̀ 10:15

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwà, ndi è hwɛnì lì rzìhwirzɛhwɛ ò tenì yà mùnya.”

Lukàrzɛ̀ 13:10

Wùnyà wɔ̀kɔ wò lì arzìyòlɛ̀, Yerzù à mà hwɛ lì òkòlɛ̀ ò ndawò ya màkanɛ̀.

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Hwègbèèlì 17:2

Pàwolò à mà nyàmɛ̀lɛ̀ lì kpèeyà ò tenì ya ndawò ya màkànɛ̀ ya wònyà Yudà ò eŋgànɛ̀lɛ à mà kpèeyà aŋga. A ma lìya aŋga wiki iyàwò. O tenì ya tɔ̀ ima Wùnyà wò lì Arziyòlɛ mɔ̀ à mà òhweyà hwatò ŋmɛ̀ndì ema mò ma uwɛ̀lɛ̀lɛ̀yi ò tenì ya e kààtì ya ama Lohwɛ̀.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.