Makòrzì 1:19 - Mokpwe: Bakwery (New Testament)

¹⁹ Nà òma hwa mà ɛ̀ndɛ ŋmanà hvòkà yɔ̀ndɔ̀, à mà ɛnɛ hwàanà hwa ama Rzɛ̀bɛ̀dì, Yòwanìrzɛ̀ nà ŋmanyàŋgò wà eni Jèmìrzì, ò tenì yà wɔ̀lɔ̀, hwa rzɛ̀ŋgɛ̀nɛ̀ ìmbunja ja awu.

Makòrzì 1:19 Mawu Ofanana

Matiyò 4:21

Nà òma hwa mà rzùrzùhweya ò wòrzò, Yerzù rzi à ɛnɛ hvɛ hwahvɛhvɛ hwàna hwa wunyanà hwahwàkɛ, hwa nyàŋgò hvɔ̀kɔ Jèmìrzì nà ŋmanyàŋgò wà eni Yòwanìrzɛ̀. Hwa mà hwɛ ò tenì yà wɔ̀lɔ̀ wɔ̀kɔ nà è rzàŋgò yà awu Rzɛ̀bɛ̀dì hwa mà hwɛ lì rzɛ̀ŋgɛnɛ imbunja ja awu. Yerzù rzìi à hwɛlɛ hwaŋga hwàna hwa wunyanà hwàhwàkɛ̀ ema hwa mò nɔŋge.

Makòrzì 1:18

O wòtɛmɛ̀tɛmɛ̀ wɔ̀ hwa mà rzɔnjɛ̀lɛ̀ imbunja jà awu rzi hwa òŋgamà Yerzù.

Makòrzì 1:20

Nà òmà à mà hwa ɛnɛ, à mà hwa hwɛlɛ. Hwa mà hwɛmɛ è rzàŋgò yà awu Rzɛ̀bɛ̀dì nà hwàgbèèlì ò wɔ̀lɔ̀, rzìi hwa nɔ̀ŋgɔ̀ Yerzù.

Makòrzì 10:35

O mburzà nanù Jèmìrzì nà Yòwanìrzɛ̀, hwàànà hwa wunyanà hwa ama Rzɛ̀bɛ̀dì hwa mà jèeyà Yerzù. Hwa mò òhweyà nanù ama, “Ìi Mòòkòlèlì ò hwèlì eyà ema ja arza nanù ema ò jò gbèeyà.”

Makòrzì 14:33

À mà wòwa Pètrò, Jèmìrzì nà Yòwanìrzɛ̀ ò lì ɛ̀ndɛ lì kànɛ̀. À mà hwɛnɛ ndùtù nà mòtàkà ò ŋmèma mò eni.

Makòrzì 3:17

Jèmìrzì nà ŋmanyàŋgò wà èni Yòwanìrzɛ̀, hwàànà hwa ama Rzɛ̀bɛ̀dì (e ma Yerzù a mà kpɛ̀ɛ̀ lìinà àma Bòwànègèrzì, jànda ì hwèlì ndi hwààna hwa e ŋgàlà lohwà).

Makòrzì 5:37

Yerzù a rzi arze ema tɔ̀ mòtò a mò nɔ̀ŋge, lì aka tɛ, Pètrò, Jèmìrzì, na Yòwanìrzɛ̀, Jèmìrzì ŋmanyàŋgò wa eni.

Makòrzì 9:2

O mburzà mèènyà mòtòhwa, Yerzù à mà ɛ̀ndɛ nà Pètrò, Jèmìrzì nà Yòwanìrzɛ̀ rzìi a hwa tìmba ò lì agba ò ŋmanyu yà hvàko ema è kàrzamì. Hwà mà hwɛ aŋga wɔ̀ hwìti. Yerzù à mà ayèŋgòwɛ̀ ò wòrzò wò awu.

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 12:2

A ma gbeyà ema hwà mà ŋgbaŋgɛ Jèmìrzì, Yòwanìrzɛ̀ ŋmanyàŋgò wa eni, rzìi hwà mà òŋwàna na e rzɔ̀lɔ̀.