Makòrzì 1:15 - Mokpwe: Bakwery (New Testament)

¹⁵ “È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Makòrzì 1:15 Mawu Ofanana

Matiyò 10:7

È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Lukàrzɛ̀ 10:11

‘Tɔ̀ irzɔ̀hwɛ̀ ja anyu ema jò ò hwèlì ò rze yà màtàŋgà ma arzu, ì ma è hvùhvùhweyà è jɔ. Ndi e hwiyè ema lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 10:9

È wɔ̀wìrzɛ̀ hwà-òkèlì. È hwa òhweyà hvɛ nanù ema, ‘Lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

Tàyìtùrzì 1:3

È hvonda ema Lohwɛ̀ à mà ɛnɛ nanù ema e hvomɛ̀nɛ̀, à mà gbeyà hwatò ò lì hwiya ŋmɛ̀ndì mò eni. Lohwɛ̀ à mà no ŋgba moŋgo ŋmɛ̀ndì o màà mà ami, ndeŋgànɛlɛ nà hwèlì nà mò ohwa nà e wònja ema Lohwɛ̀ e Mòrzùŋgèlì hwa arzu a no ŋgbelì.