Lukàrzɛ̀ 9:56 - Mokpwe: Bakwery (New Testament)

⁵⁶ Yerzù na hwà-òkòwèlì hwa eni rzìi hwa ɛ̀ndɛ ò èhvɛhvɛ mbòwà.

Lukàrzɛ̀ 9:56 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Matiyò 5:39

Ndi imba na e òhwèyà nanù ema, mòtò à è gbèyi tɛ wòhwe, è rzi timbirzɛlɛ. È hwèlì tɛ ema mòtò à ò rzamì tɛ lùùmbɛ̀ ò lìyamà lì aŋgɔ̀ lɔ̀kɔ, ò mò uŋmɛ̀lɛ̀ hvɛ lìnɛyi lìyamà.

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 22:51

Yerzù à mà hwa òhweyà nanù ema, “È hwɛ̀mɛ̀ nanù!” Rzìi à tɔ̀tɔ̀ lìŋgi lìtò là ama òŋgò mòtò, à mò wɔ̀wìrzɛ̀.

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Lukàrzɛ̀ 9:55

Yerzù à mà ayèŋgòwɛ̀ rzìi a hwa kànjà.

Lukàrzɛ̀ 9:57

Nà òmà hwa mà hwɛ lì ɛ̀ndɛ, rzìi mòtò mɔ̀kɔ a òhweyà Yerzù nanù ema, “Imba, nà ò òŋgama tɔ̀ òne.”

Yòwanìrzɛ̀ 10:10

È ŋmìhwɛ̀ a jà ndì ò lì ìhwa, na lì òŋwa na ò lì hvàŋga. Ndi imba na jɛlɛlɛ ndi ema hwa luwe lòŋgɛ, rzi hwa lì lùwa jɔ̀ɔ̀jɔ̀.”

Yòwanìrzɛ̀ 12:47

Tɔ̀ ima mòtò a hweyi tɛ ŋmɛ̀ndì mò ami, rzìi a rzi mò ika, imba na rza mò kaya èhwanja na rza jelì ndi ò lì kàyìrzɛ̀ e rze ndi na jelì ndi ò lì e rzùŋga hwatò hwa ene rze.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Ròmànì 12:21

Tɔ̀ mòtò a rzi keka lì emeyà nanù ema wòhwe wò mò kànèyà. Ndi inyɛ gbaamù wò anyu wò rzuwane wòhwe.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.