Lukàrzɛ̀ 9:45 - Mokpwe: Bakwery (New Testament)

⁴⁵ Ndi Hwà-òkòwèlì hwa eni, hwa rzi rzɔ̀ŋgìtɛ̀nɛ̀ mamɛ a mà òhwe. È mà hwɛ ndi nàa ŋmàna ema hwa rzi tanɛ̀yi lì rzɔ̀ŋgìtɛ̀nɛ̀. Hwà mà òka hvɛ wɔ̀ŋgɔ̀ ò lì mò ijòwà.

Lukàrzɛ̀ 9:45 Mawu Ofanana

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Matiyò 17:22

Nà òma Yerzù nà Hwà-òkòwèlì hwa mà arzàŋganɛ ò erzòòkà yà Galìlì, Yerzù rzìi a hwa òhweyà nanù ema, “È Ŋmanà wà è Mòtò wà Hwènàmà à ò ŋgbààhwà ò màà mà hwatò,

Makòrzì 9:10

Hwàŋga hwà-òkòwèlì hwa mà ika hwèŋge hweyà ò mèèmà me awu, hwà mà wòteya lì àyijòwànɛ̀ mɔ̀kɔ nà ɔnɛyi nanù ema, “Mamɛ hwenè Hwèhvùmùwèlì hwe hwèlì e?”

Makòrzì 9:32

Ndi Hwà-òkòwèlì hwa eni hwa rzìi rzɔ̀ŋgìtɛ̀nɛ̀ mamɛ èma a mà òhwe rzìi hwa òka wɔ̀ɔŋgɔ̀ ò lì mò ijòwà.

Lukàrzɛ̀ 18:34

Hwàŋga hwà-òkòwèlì, hwa rzi rzɔ̀ŋgìtɛ̀nɛ̀ mamɛ ya arzɛ ema a mà òhwe. Mònò ŋmàna mò mà hwa aka lìhwiyè. Hwa rzi hwiyè mamɛ a mà hwɛ lì òhwà.

Lukàrzɛ̀ 2:50

Ndi hwa rzi hvɔ̀ŋgɛ̀ mamɛ a mà hwa òhweyà.

Lukàrzɛ̀ 9:46

Hwà-òkòwèlì hwa ama Yerzù, rzìi hwa wòteya è hvèndà ò lì hwiyà njɛnɛ wà awu à ò hwɛ è mòmbaki.

Yòwanìrzɛ̀ 12:16

Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.

Yòwanìrzɛ̀ 12:34

È ŋgìndì rzìi e mò alàhwɛ̀ nanù ema, “È mbenda ya arzu e jò òhwèlì nanù ema, ‘È Mɔ̀ ema a Ɔ̀kirzɛ̀hwɛ̀yi à hwɛ natɛ̀ɛ nà ò mòlìkɛ̀.’ Nɛ rzɔ ò wa ò tànɛyi lì òhwa nanù ema, ‘È Ŋmanà wa e Mòtò wa Hwènàmà a àŋgàmɛ̀nɛ̀ lì karzɛhwɛ ò ŋmanyu e?’ Njɛnɛ rzɔ a hwèlì ònò ‘Ŋmanà wà è Mòtò wà Hwènàmà e?’”

Yòwanìrzɛ̀ 14:5

Tɔ̀màrzì à mà ijòwà Yerzù nanù ema, “Ìi Rzàŋgò, irzɔ irza hwi èki ema ò ɛ̀ndɛ, nɛ rzɔ irzɔ i tànɛyi lì hwiya e njiya ema e ɛndɛ aŋga e?”

Yòwanìrzɛ̀ 4:33

Hwà-òkòwèlì hwa eni rzìi hwa òhwanɛ̀lɛ mɔ̀kɔ nà ɔ̀nɛyi nanù ema, “Ò hwèlì mòtò ema à mò jànèlì mòlelì e?”