Lukàrzɛ̀ 9:44 - Mokpwe: Bakwery (New Testament)

⁴⁴ “È nò òkànèyà, è rzi hvòŋgà hvɛ mamɛ na àrza lì è òhweyà. È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa hwènàma.”

Lukàrzɛ̀ 9:44 Mawu Ofanana

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Makòrzì 8:31

Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Makòrzì 9:31

Èhwanja à mà hwɛ lì òkòlɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hweni lì ŋgbààhwà ò hwatò hwa hwènàmà, wɔ̀ hwa mò òŋwa. O mburzà ya menya meyawò, a hvùmùwà ò lòŋgɛ.”

Lukàrzɛ̀ 1:66

Hwatò hwa àrzɛ ema hwà mà hwèya hwenè hweyà ema hwe ma gbèyɛnɛ, hwa mà hwe uta ò mèèmà me awu. Rzìi hwa a àyijòwànɛ̀ nanù ema, “Ima nyayi mòtò ò nò ŋmanà a ò hwɛ̀ɛ e?” Hwa mà hwɛ lì ijòwa nanù, èhwanja hwa mà hwiya nanù ema Lohwɛ̀ à hwèlì nà è ŋmanà.

Lukàrzɛ̀ 18:31

Yerzù rzìi a wòwa lìyòmɛ̀ la eni la hwà-òkòwèlì nà hwàhwàkɛ̀ ò tòŋgòŋgò yà èni, rzìi a hwa òhweyà nanù ema, “È òkànèyà, ì hwɛnì lì àgba ò Jèrurzalɛ̀mù, hweyà hwe àrzɛ ema hwà-òhwèlì hwa hwèlìŋgɛ̀ hwà mà tìle lì hvòmɛ̀nɛ̀ è Ŋmanà wà è Mòtò wà Hwènàmà, hwe òndìrzɛ̀hwɛ̀.

Lukàrzɛ̀ 2:19

Ndi Màlìyɛ̀ à mà ùta hwenè hweyà hwe àrzɛ ò ŋmèma mò eni, rzìi a à hwe lùteyà.

Lukàrzɛ̀ 2:51

Aŋgà ndi Yerzù a ɛ̀ndɛ nà rzàŋgɛ nà nyàŋgɛ, rzìi hwa tìmba ò Nàrzàrɛ̀tì. À mà hwa hweyàna. Nyàŋgɛ à mà ùta hwenè hweyà hwe àrzɛ ò ŋmèma mò eni.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Yòwanìrzɛ̀ 16:31

Yerzù rzìi à mà hwa alàhwɛ̀ nanù ema, “È lòkɛ̀yi naŋgɛ e?

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.