Lukàrzɛ̀ 9:42 - Mokpwe: Bakwery (New Testament)

⁴² Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Lukàrzɛ̀ 9:42 Mawu Ofanana

Makòrzì 9:20

Hwa mà jàneya Yerzù òŋgò ŋmanà. Nà òmà èŋge èlìŋgɛ̀ ya wòhwe e mà ɛnɛ Yerzù, rzìi e lɛ̀mbɛ òŋgò ŋmanà e mò hvimba ò rze, e wòteya lì mò iŋgòlɛ e rze ya arzɛ rzìi e hvulu e wòteya lì mò wurza ò wàna.

Lukàrzɛ̀ 7:15

Òŋgò ŋmanà rzìi a imòwa rzìi a wòteya lì òhwà, aŋga ndi Yerzù a à mò tìmbìrzɛ̀lɛ̀lɛ̀ nyàŋgɛ.

Lukàrzɛ̀ 9:39

Èlìŋgɛ̀ ya wòhwe e yɔki lì mò tàkirzɛ. È mò lɛ̀mbi tɛ, a tɛɛ, a kpa ò rze, e mò nyìŋgìrzɛ̀nɛ̀ natɛ̀ɛ ì njɔ̀ŋgɔ̀ ì mò wurzà ò wàna. È rza mò hwɛmɛ natɛ̀ɛ à kùwà lì hwèna.

Lukàrzɛ̀ 9:41

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneya òŋgò ŋmanà anù.”

Lukàrzɛ̀ 9:43

Hwatò hwa arzɛ hwa mà tàmà, ò lì ɛnɛ̀ mànyàkà mà amà Lohwɛ̀ a mà gbèye. Tɔ̀ nɛ hwa mà hwɛ ò hwètàmirzelì lì hvòmɛ̀nɛ̀ mamɛ ema Yerzù a mà gbèye, Yerzù à mà òhweyà Hwà-òkòwèlì hwa eni nanù ema,

Yòwanìrzɛ̀ 6:19

Hwa mà luka eyà yà màyìlì màyawò tɔ̀ mànìi rzìi hwa ɛnɛ Yerzù à ɛ̀ndɛ ò ŋmanyu yà malìhwa rzìi a jèeyà wɔ̀ɔ̀lɔ̀ wò awu. Hwà mà lɛmbeya mòkambiya mò ŋginyà.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

Hwèwulùwèlì 12:12

O èŋgànɛ̀lɛ̀ rzɔ, e ŋmanyu yà lohwà na hwaŋga hwatò hwa arzɛ ema hwa hwèlì aŋga hwa àŋgàmɛ̀nɛ̀yi lì oka mɔ̀nyɛ̀ŋgì. Ndi èwòmɛ̀ na hwatò ema hwa hwèlì o e rze ya mɔ̀nyɛ̀, na o ŋmànja, ehwànja e Dɛhvùlì à mà e rzihweyà na hwetato hwe ndɛnɛ, ehwànja a hwi nanù ema e hvonda ya eni e ma utuhwa.”