Lukàrzɛ̀ 9:41 - Mokpwe: Bakwery (New Testament)

⁴¹ Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneya òŋgò ŋmanà anù.”

Lukàrzɛ̀ 9:41 Mawu Ofanana

Matiyò 11:28

“È je na imba, inyɔ hwatò hwa arzɛ ema e ma ɔ̀tɔ̀ ò lì hwanɛ̀ miyuna ema me lìti, na e ŋgbà lì arziyòlɛ.

Matiyò 12:39

Ndi Yerzù à mà hwa timbirzɛlɛlɛ nanù ema, “Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e hwèlì e ijòwa embànèlì ya mànyakà! Ndi inyò e rza e luwa, lì aka tɛ embànèlì ya ama mòòhwèlì wà èlìŋgɛ̀ Jona.

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Matiyò 16:4

Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e arza ndi embànèlì ya mànyakà! Ndi inyɔ e rza ò luwa tɔ̀ embànèlì lì aka e embànèlì ya mànyakà ya ama Jona e mòòhwèlì wà èlìŋgɛ̀.” Yerzù à mà hwa hwɛmɛ rzi a ɛ̀ndɛ e ye eni.

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Matiyò 23:36

Nà è òhweyà ndi e jɔ̀kɛ̀ nanù ema ene nyɔ̀ŋgɔ̀nì ndi è ò lùwɛ è kɔ̀kìrzɛ̀ ya iŋgi kpelì janyu ja arzɛ.”

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Makòrzì 10:14

Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Makòrzì 10:49

Yerzù à mà tɛ̀mɛ̀ rzìi a òhwa nanù ema, “È nò hwɛlɛlɛ̀ e mɔ̀.” O èŋgànɛ̀lɛ̀ hwa mà mò hwɛlɛ, rzìi hwa mò òhweyà nanù ema, “O rza atàkìrzɛ̀ e nyò ya aŋgɔ̀! Tɛmɛ ò ŋmanyu mɔ̀ ònò a ò hwɛlɛ.”

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Lukàrzɛ̀ 8:25

Yerzù rzìi a ijòwa hwà-òkòwèlì hwa eni nanù ema, “O èŋgànɛ̀lɛ̀ e rza nò lòkɛ̀ e?” Hwa mà ònda nà wɔ̀ŋgɔ̀ nà hwètàmìrzèlì, rzìi hwa wòteya ò lì àyìjòwànɛ̀ mɔ̀kɔ nà ɔ̀nɛ̀yi nanù ema, “Ima nyayi yà mòtò ònò e? Èma à kànèyà è mbɛ̀hvɛ̀nì nà hwèmùnɛ̀ hwe malìhwa, rzìi hwe mò hweyànà e?”

Lukàrzɛ̀ 9:40

Nà ma mò jàneya Hwà-òkòwèlì hwa aŋgɔ̀ nà hwa atɛkɛ ema hwa hvaye èŋge èlìŋgɛ̀ ò nyò yà èni ndi hwa rzi tanɛ̀.”

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 20:27

Rzìi à òhweyà Tɔ̀màrzì nanù ema, “Ika jɔ̀nɔ ja aŋgɔ ò hwene hwetɛndɛ anù. O ɔ̀ŋgɔ màà mà ami, rzìi wòwa màà mà aŋgɔ ò òkànèyà e tòŋgòŋgò ya lùuŋga la amì. O rzìi hwɛ òŋgò ema a rza lòkɛ̀yi, ò hwɛ ndi òŋgò ema a lòkɛ̀yi.”

Hwègbèèlì 13:18

Eyà ya mènìmènìi me meya mɔ̀ à mà kàkànà hwègbèèlì hwe awu ŋmèma ò tenì ya mòrzànjɛ.

Hwègbèèlì 2:40

Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

Hibrù 3:19

Ò eŋgànɛ̀lɛ̀ rzɔ, irzɔ jè ɛni nanù ema hwa rzi tànɛ lì kpèeyà ò eŋge èki yà lì arzìyolɛ, èhwanja hwa rzi lòkɛ̀ Lohwɛ̀.

Hibrù 4:11

Ò èŋgànɛ̀lɛ̀ inyɛ i gbeye nanù ema, irzɔ hvɛ jò ò kpèeyà èŋge èki yà lì arzìyolɛ, aŋga nanù tɔ̀ mɔ̀kɔ wa arzu a rza o hvònda o lì kpèeyà aŋga. I rzi nɔ̀ŋgɔ̀ màtaŋgà mà hwatò ema hwa rzi hwɛ lì gbeyà na oma Lohwɛ̀ à mà ohwe nanù ema hwa gbeye.

Hibrù 4:2

Ŋmɛ̀ndì mò gbamù mò ama Lohwɛ̀ hvɛ ema mò jò òhwahwɛlɛyi, ì mà mò hweyà ŋgana hvɔ̀kɔ nà oma wɔ̀ hvɛ hwa mà mò hwèye. Ndi moŋgo ŋmɛ̀ndì mò gbamù ema hwa mà hwèye, mò rzi ohve tɔ̀ màanda nà wɔ̀, èhwanja wɔ̀ hwa rzi lòkɛ̀ mamɛ ema hwa mà hwèye.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.