Lukàrzɛ̀ 9:38 - Mokpwe: Bakwery (New Testament)

³⁸ Rzìi mùnyanà mɔ̀kɔ ò tenì yà èŋge ŋgìndì à tɛ̀ɛ̀ nanù ema, “Ìi Mòòkòlèlì kòkò nà ò rzòrzòmelì, wà ɔ̀ŋgɔ tɛ è mbèrzà yà amì. Èhvòwà yà ami yà ŋmanà enè ema nà hwɛnì.

Lukàrzɛ̀ 9:38 Mawu Ofanana

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Lukàrzɛ̀ 7:12

Nà òmà a mà kòmbɛ̀nɛ̀ hwe kpèelì hwe èŋge mbòwà, hwatò hwà mà wurzana èembe yà mòtò ema, e ma hwɛ ndi ehvòwa ya ŋmanà ya mòŋgò mòkurze mò mòlanà. Èŋge ŋgìndì ema è ma wurza ò èŋge mbòwà è mà hwɛ nà òŋgò mòlanà.

Lukàrzɛ̀ 9:37

O wònɛyi wùnyà, hwa mà rzìhwa mòŋgò mòòlì. Ŋgindi ndɛnɛ̀ è mà jà lì ùŋma Yerzù.

Lukàrzɛ̀ 9:39

Èlìŋgɛ̀ ya wòhwe e yɔki lì mò tàkirzɛ. È mò lɛ̀mbi tɛ, a tɛɛ, a kpa ò rze, e mò nyìŋgìrzɛ̀nɛ̀ natɛ̀ɛ ì njɔ̀ŋgɔ̀ ì mò wurzà ò wàna. È rza mò hwɛmɛ natɛ̀ɛ à kùwà lì hwèna.

Yòwanìrzɛ̀ 4:47

Nà òma ònò mòtò à mà hwèye ema Yerzù à mà anjiya ò erzòòkà yà Jùdeyà, ema à mà uka ò erzòòkà yà Galìlì, à mà mò ɛndèya, à mò rzòrzòmeyà ema à ɛndɛ nà mɔ̀ à wɔ̀wìrzɛ̀ è ŋmanà wà eni, ema à mà kòmbɛ̀nɛ̀ è kpelì.