Lukàrzɛ̀ 9:35 - Mokpwe: Bakwery (New Testament)

³⁵ Hwa mà hwèya lìlò ema lì ma wurza ò lìŋgi lìmbàkì lì mà òhwa nanù ema, “È Ŋmanà wa amì ònò. Mɔ̀ ndì na hvɔ̀rzì. È mò òkànèyà ndi mɔ̀.”

Lukàrzɛ̀ 9:35 Mawu Ofanana

Matiyò 12:18

“Ɔ̀ŋgɔ tɛ, e mògbèèlì wa ami ònò ema na hvɔ̀rzì, na mò lìŋgàni, ndèŋgànɛ̀lɛ̀ a nò lìŋgìrzɛ. Nà ò òma èlìŋgɛ̀ ya ami e ò hwɛ na mɔ̀. A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Makòrzì 1:11

Lìlò lì uwɛ̀lɛ̀lɛ̀ ò ŋmanyu yà lohwà rzìi lì òhwa nanù ema, “O wà ndì ò hwèlì è Ŋmanà wà amì wà ndìŋgɛ yà màlìŋgò, nà òki mɔ̀nyɛ̀ŋgì nà ò wà rzayì-rzayì.”

Lukàrzɛ̀ 3:22

Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Lukàrzɛ̀ 9:34

Nà òmà Pètrò a mà hwɛ lì òhwa, lìmbàkì lì mà jà rzìi lì hwa lìŋgà. Hwa mà lɛ̀mbeya wɔ̀ŋgɔ̀.

Yòwanìrzɛ̀ 12:28

Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 3:15

È tìlàhwì ò tenì yà è kààtì yà Lohwà nanù ema, “Yàwonò è hweyi tɛ lìlo là ama Lohwɛ̀, è rzi kèka lì hwɛ̀neyà Lohwɛ̀ màniya, nàa imbamba ja anyu ì mà hwɛ̀neyà Lohwɛ̀ màniya e hvonda ema hwa mà tèŋgɛ̀nɛ̀ Lohwɛ̀.”

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.