Lukàrzɛ̀ 9:31 - Mokpwe: Bakwery (New Testament)

³¹ Hwa mà ɛ̀neya wòtani wò ŋgɛ̀ŋgɛlɛ nà òmà hwa mà òhwìrzɛ̀nɛ̀ Yerzù. Hwa mà hwɛ lì òhwà nɛ Yerzù a òndìrzɛ ŋmanò mò ama Lohwɛ̀ lì hvòmɛ̀nɛ̀ è kpelì yà èni ò Jèrurzalɛ̀mù.

Lukàrzɛ̀ 9:31 Mawu Ofanana

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Lukàrzɛ̀ 9:30

Lìwòkìmɛnɛ wùnyànà hwàhwàkɛ̀ rzìi hwa mò wurzeyà hwa wòteya ò lì kòwa nà mɔ̀. Hwàŋga wùnyànà hwa mà hwɛ ndi Mòrzè nà Èlàyijà.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

Hibrù 11:22

Lìlòkɛ̀ lɔ ndi lì ma gbeyà ema Jòrzɛ̀hvù lìrzako ema à mà kombɛ̀nɛ̀ e kpelì, à mà ohwe à mà o hvonda ema è ò jɛ̀ɛ̀, wònya Irzàyɛ̀lì hwa o anjiya o èkomè ya Ìjiptò. Ɔ̀ndeŋgàtɛ̀ à mà hwa kòkòwɛlɛ nɛ wɔ̀ hwa àŋgàmɛ̀nɛ̀yi lì gbeyàna èembè ya eni.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

2 Pètrò 1:15

Nà atàkìrzɛ o lì e ohweyà hwene hweyà, aŋga nanù tɔ̀ na ŋwa ndi lì ŋwa e hwe ɔ̀ŋgɛ̀lɛ̀ ihvonda ja arzɛ.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.