Lukàrzɛ̀ 9:28 - Mokpwe: Bakwery (New Testament)

²⁸ O mburzà yà mèènyà wàmbì ema Yerzù a mà òhwe nanù à mà àgbana Pètrò, Yòwanìrzɛ̀, nà Jèmìrzì ò mòòlì, ò lì kanɛ̀.

Lukàrzɛ̀ 9:28 Mawu Ofanana

Matiyò 14:23

Ò mburza hvònda ema tɔ̀ ima mòtò à mà ɛ̀ndɛ, rzìi à agba ò mòòlì ò lì kanɛ̀. È hvònda wùùnyà wò mà ahve, Yerzù à mà hwɛ ndi àŋga mɔ̀ ŋmìti.

Matiyò 5:1

Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Makòrzì 1:35

O ekpààrzɛ̀ è hvònda yà inyànyò, Yerzù à mà tɛ̀mɛ̀ rziì, à wurza ò ndawò, à ɛ̀ndɛ èki yà njuka yà ŋmɛ̀ɛ̀ ema à mà kanɛ̀.

Makòrzì 6:46

Yerzù à mà apkanɛ̀ èŋge ŋgìndì, rzìi a àgba ò mòòlì ò lì kanɛ̀.

Lukàrzɛ̀ 3:21

Nà òmà Yòwanìrzɛ̀ à mà lùhwìrzɛ̀ hwatò hwa arzɛ, Yerzù mɔ̀ hvɛ, à mà jà ema a mò lùhwìrzɛ̀. Nà òmà Yerzù a mà lùhwìrzɛ̀hwɛ̀, rzìi a kanɛ̀. Nà òmà a mà hwɛ ò lì kanɛ̀, è ŋmanyu è mà lìhvòweya.

Lukàrzɛ̀ 5:16

Ndi e hvònda e ma ùke, Yerzù à mà ɛ̀ndɛ ò tòŋgòŋgò ya èki ya ŋmɛ̀ɛ ò lì kanɛ̀.

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Lukàrzɛ̀ 8:51

Nà òmà Yerzù a mà ùke ò ndawò yà ama Jàrìyɔ̀rzɛ̀ à rzi imànɛ̀lɛ̀ tɔ̀ mòtò ò lì kpèeyà ò tenì yà èŋge ndawò nà mɔ̀, lì akà tɛ Pètrò, Yòwanìrzɛ̀, Jèmìrzì nà è rzàŋgò yà ama òŋgò ŋmanà nà nyàŋgɛ.

Lukàrzɛ̀ 9:18

Wùnyà wɔ̀kɔ nà òmà Yerzù a mà hwɛ lì kanɛ̀ ŋmìti, rzìi Hwà-òkòwèlì hwa eni hwa jà ò lì mò ùŋma. Rzìi à hwa ijòwa nanù ema, “Njɛnɛ hwatò hwa òhwa ema nà hwèlì e?”

Yòwanìrzɛ̀ 6:3

Yerzù à mà agba ò mòòlì rzi a lìya ò rze na hwà-òkòwèlì hwa eni.

2 Kɔ̀rintìyà 13:1

È ŋgèlì ema e ùkirzɛ̀yi iyàwò yɔ ene, ema na jà o lì ehvɛhvɛ. È tìlahwì o kààtì ya Lohwà nanù ema, “Hwa kàyìrzɛ̀ tɛ mòtò, hwa hwɛni lì òkànèyà mboŋgi ihwakɛ tɔ̀ iyàwò.”

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.