Lukàrzɛ̀ 9:26 - Mokpwe: Bakwery (New Testament)

²⁶ Mòtò à nò òkanì tɛ ìrzɔnì nà hweyòhwèlì hwe amì, È Ŋmanà wà è Mòtò wà hwènàmà mɔ̀ hvɛ à mò òkànà ìrzɔnì lìŋgi lìrzàkò ema à tìmba ònò nà wòtani wà eni, nà è wɔ̀ hwa ama è Rzàŋgò yà enì, nà i aŋgèlì ja wòrzaŋgi.

Lukàrzɛ̀ 9:26 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Yòwanìrzɛ̀ 12:43

Hwa mà hwɛ lì gbeyà nanù èhwanja hwa mà lìŋgàna jeka jà hwatò lì aka è lɔ̀ là ama Lohwà.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Hibrù 11:26

Mɔ̀ à mà lùtèyà ema o lì luwa ìrzɔnì o nyòla è Mɔ̀ ema à Ɔ̀kirzɛ̀hwɛ̀yi a hwèlì mòrzàhwelì ema mo akayi mònàmɛ̀ mo arzɛ ema mo hwèlì o tenì ya èkomè ya Ìjiptò. A ma gbeyà ndi nanù èhwanja à mà hwɛ lì ambɛlɛlɛ mòrzawèlì ema Lohwɛ̀ a mo ŋgba o e hvonda ema e o jɛ̀ɛ̀.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Judɛ 1:14

Ènɔ̀kù è mɔ̀ ema à mà ùkirzɛ̀ è nyɔ̀ŋgɔ̀nì lìrzamba ò mòtende mò ama Adàmu, à mà hwɛ à mà ohwa nà è kòòwà lì hvomɛ̀nɛ̀ mamɛ ema è ò gbèèyɛnɛ hwanù hwatò. À mà ohwa nanù ema, “È okànèyà tɛ! È Rzàŋgo è hwèlì è jà nà hwèkòlì nà hwèkòlì hwe aŋgèlì jà eni jà wòtani.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 3:5

Tɔ̀ njɛnɛ ema à lìya lì aka hweyà hwe wòhwe, mɔ̀ hvɛ à ò wɔ̀tɔ̀ mòŋgòmbè mò mbɔ̀mi, nà oma wɔ̀hvɛ hwa ò wɔ̀tɔ̀, ndèŋgànɛ̀lɛ̀ nà rza ò ulɛ̀ lìinà là eni ò è kààtì yà lòŋgɛ. Nà ò ohwa ò worzo wò ama è Tatɛ̀ yà ami nà ò worzo wò ama i aŋgèlì jà eni nanù ema hwa hwèlì ndi hwatò hwa ami.