Lukàrzɛ̀ 9:22 - Mokpwe: Bakwery (New Testament)

²² Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Lukàrzɛ̀ 9:22 Mawu Ofanana

Matiyò 17:12

Ndi nà è òhweyà ema Èlàyijà à mà màà lì jà, ndi hwa rzi mò embe, hwa mà mò gbeyàna ndi nà òmà hwà mà lìŋganè. Nànù mɛnɛ hvɛ ndi è Ŋmanà wà è Mòtò wà Hwènàmà mɔ̀ hvɛ à ò tàkɛ ò màà mà awu.”

Matiyò 17:22

Nà òma Yerzù nà Hwà-òkòwèlì hwa mà arzàŋganɛ ò erzòòkà yà Galìlì, Yerzù rzìi a hwa òhweyà nanù ema, “È Ŋmanà wà è Mòtò wà Hwènàmà à ò ŋgbààhwà ò màà mà hwatò,

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Makòrzì 8:31

Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Makòrzì 9:31

Èhwanja à mà hwɛ lì òkòlɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hweni lì ŋgbààhwà ò hwatò hwa hwènàmà, wɔ̀ hwa mò òŋwa. O mburzà ya menya meyawò, a hvùmùwà ò lòŋgɛ.”

Lukàrzɛ̀ 17:25

Ndi tɔ̀ nanù, mɔ̀ à lòma lì tàka rzayì-rzayì. À hwɛnì hvɛ lì rzɔ̀rzɔ̀wɔ̀ nà ène nyɔ̀ŋgɔ̀nì ya àrzɛ.

Lukàrzɛ̀ 24:26

Rzeke e mà hwɛ ndi nanù ema, è Mɔ̀ ema à Ɔ̀kirzɛ̀hwɛ̀yi à ò lùwa mene mètàkà me arzɛ, ndèŋgàna à ò lùwa èluhwe ya eni.”

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 24:7

À mà òhwa nanù ema, ‘È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa wòhwe. À wòmàyilɛhwɛ̀ ò mbarza, à ŋwa. O mèenyà meyawò à hvùmùwà.’”

Lukàrzɛ̀ 9:44

“È nò òkànèyà, è rzi hvòŋgà hvɛ mamɛ na àrza lì è òhweyà. È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa hwènàma.”

1 Kɔ̀rintìyà 15:4

È tìlahwì ema à mà imayɛlɛhwɛ, à mà hvùmùlɛ̀hwɛ na Lohwɛ̀ o mburzà ya mèenyà meyawo.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.