Lukàrzɛ̀ 9:18 - Mokpwe: Bakwery (New Testament)

¹⁸ Wùnyà wɔ̀kɔ nà òmà Yerzù a mà hwɛ lì kanɛ̀ ŋmìti, rzìi Hwà-òkòwèlì hwa eni hwa jà ò lì mò ùŋma. Rzìi à hwa ijòwa nanù ema, “Njɛnɛ hwatò hwa òhwa ema nà hwèlì e?”

Lukàrzɛ̀ 9:18 Mawu Ofanana

Matiyò 14:23

Ò mburza hvònda ema tɔ̀ ima mòtò à mà ɛ̀ndɛ, rzìi à agba ò mòòlì ò lì kanɛ̀. È hvònda wùùnyà wò mà ahve, Yerzù à mà hwɛ ndi àŋga mɔ̀ ŋmìti.

Matiyò 26:36

O mburza nanù Yerzù na Hwà-òkòwèlì hwa eni hwà mà ɛndɛ ò èki ema e ma hwɛ̀lɛ̀hwɛ̀ Gɛtrzɛmani. Nà òma hwà mà uke aŋga, Yerzù rzìi a hwa òhweyà nanù ema, “È lìya anù na tòmba ɔ̀nɛyi wate ò lì kanɛ̀.”

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Lukàrzɛ̀ 3:21

Nà òmà Yòwanìrzɛ̀ à mà lùhwìrzɛ̀ hwatò hwa arzɛ, Yerzù mɔ̀ hvɛ, à mà jà ema a mò lùhwìrzɛ̀. Nà òmà Yerzù a mà lùhwìrzɛ̀hwɛ̀, rzìi a kanɛ̀. Nà òmà a mà hwɛ ò lì kanɛ̀, è ŋmanyu è mà lìhvòweya.

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Lukàrzɛ̀ 9:19

Hwà mà mò alàhwɛ̀ nanù ema, “Lòŋgò hwa òhwa ndi ema ò hwèlì ndi Yòwanìrzɛ̀ è Mòlùhwìrzèlì. Lòŋgò hvɛ hwa ma, ò hwèlì ndi Èlàyijà. Hwahvɛhvɛ hwa òhwa ema, ò hwèlì ndi Mòòhwèlì mɔ̀kɔ wà Èlìŋgɛ̀, wa kòòhwa ema à tìmbi ò lòŋgɛ.”

Lukàrzɛ̀ 9:28

O mburzà yà mèènyà wàmbì ema Yerzù a mà òhwe nanù à mà àgbana Pètrò, Yòwanìrzɛ̀, nà Jèmìrzì ò mòòlì, ò lì kanɛ̀.

Lukàrzɛ̀ 9:29

Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.