Lukàrzɛ̀ 9:11 - Mokpwe: Bakwery (New Testament)

¹¹ Nà òmà è ŋgìndì e mà hweye nanù, hwa mà mò òŋgama aŋga rzìi hwa mò ùŋma. Yerzù à mà hwa karzɛ. À mà hwa òhweyà lì hvòmɛ̀nɛ̀ Lìkànèyà la ama Lohwɛ̀. Nà lì wɔ̀wìrzɛ̀ hvɛ è wɔ̀ ema hwà mà àrza lì wɔ̀wìrzɛ̀hwɛ.

Lukàrzɛ̀ 9:11 Mawu Ofanana

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 21:43

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”

Lukàrzɛ̀ 1:53

À ujìrzɛ̀yi è wɔ̀ hwa njàwò nà hwema hwe gbamù. Ndi à tìmbìrzɛ̀ hvɛ hwatò ema hwa òhvi rzayì-rzayì nà màà ma ŋgundu.

Lukàrzɛ̀ 5:31

Yerzù rzìi a hwa alàhwɛ̀nɛ na ŋmàna nanù ema, “Hwàŋga hwatò ema hwa lìyayi gbamù, hwa rzà àrza ŋgàŋgà. Ndi è wɔ̀ ema hwa ɔ̀kìrzɛ̀ɛ ndi hwa tukànèyà e ŋgàŋgà.

Lukàrzɛ̀ 8:1

O mburzà yà hvònda, Yerzù à mà ɛ̀ndɛ hwèyɔ̀ndɔ̀ lì akeyà màmbòwà mà rzàlì nà màndɛnɛ̀. Nà òma à ma hwɛ lì ɛ̀ndɛ nanù, à mà hwɛ ndi lì òhwà Ŋmɛ̀ndì mò Gbamù, mò Lìkànèyà là ama Lohwɛ̀. Lìyòmɛ̀ là eni la hwà-òkòwèlì nà hwàhwàkɛ̀ lì mà hwɛ nà mɔ̀.

Lukàrzɛ̀ 8:10

Yerzù à mà hwa alàhwɛ̀ nanù ema, “Lohwɛ̀ à è ŋgbèlì è wònjà yà lì hwiyà ìwùndɛ̀ jà Lìkànèyà là ama Lohwɛ̀. Ndi hwanɛ̀yi hwatò hwa arzɛ hwa hweyànà ndì Lìkànèyà là ama Lohwɛ̀ nàa meyànà aŋga nanù, tɔ̀ nɛ̀ hwa ɔ̀ŋgɔ, hwa rzà èmba, hwa hweyà, ndi hwa rzà rzɔ̀ŋgìtɛ̀nɛ̀.

Lukàrzɛ̀ 9:10

È hvònda ema hwà-òkòwèlì hwa mà tìmbe, hwa mà òhweyà Yerzù mamɛ ya arzɛ ema hwa mà gbèyè. Yerzù rzìi a hwa wòwà a hwa ɛ̀ndɛnɛ tòŋgòŋgò hvɔ̀kɔ, ò mbòwà yà Bɛ̀trzàyìdà ò lì hwɛ wɔ̀ hwìti.

Lukàrzɛ̀ 9:12

È hvònda wùùnyà wò mà wòteyà lì àhva, Hwà-òkòwèlì hwa ama Yerzù, hwa mà mò òhweyà nanù ema, “Hwɛ̀mɛ hwanù hwatò hwa ɛndɛ̀ ò màmbòwà ema mà kòmbɛ̀nɛ̀, ò lì àrza mamɛ hwa làa, nà hwèki e ma hwa tànɛyi lì nàŋgeya. Èhwanja ò rzà ènje mòlelì, nà èki ya hwenaŋgèlì anù.”

Lukàrzɛ̀ 9:2

Rzìi à hwa òma ema hwa ɛ̀ndɛ hwa òhwe Ŋmɛ̀ndì mò Gbamù mò Lìkànèyà là ama Lohwɛ̀, nà lì wɔ̀wìrzɛ̀ hvɛ hwatò.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Ròmànì 10:14

Nɛ rzɔ wɔ̀ hwa tànɛyi lì mò hwɛlɛ nanù ema a hwa òŋgòwane, e hwèlì tɛ nanù ema wɔ̀ hwa rzi mò lòkɛ̀ e? Ndèŋgàna nɛ wɔ̀ hwa tànɛyi lì mò lòkɛ̀ e hwèlì tɛ nanù ema wɔ̀ hwa rzi òkanelì ŋmɛ̀ndì mò eni e? Ndeŋgànɛ̀lɛ̀ nɛ wɔ̀ hwa tànɛyi lì hweyà e hwèlì tɛ nanù ema tɔ̀ mòtò a rza hwa òhwèlì lì hvòmɛ̀nɛ̀ mònò ŋmɛ̀ndì e?

Ròmànì 10:17

O èŋgànɛ̀lɛ̀ rzɔ lì lòkɛ̀ lì jà ndi, ema mòtò a òkanelì tɛ ŋmɛ̀ndì, ndeŋgànɛ̀lɛ̀ hwatò hwa àŋgàmɛ̀nɛyi lì òhwa ŋmɛ̀ndì mò ama Krirztò aŋga nanù òma hwatò hwà mà mò lòkɛ̀.

Ròmànì 15:3

Tɔ̀ Krirztò ŋmìti a rzi hwɛ lì gbeye hweyà ò lì alìŋgìrzɛ mɔ̀ ŋmìti. Ndi à mà gbeyà ndi na òma e tìlahwì ò kààtì ya Lohwà nanù ema, “Hweyòlì hwe arzɛ ema hwà mà ò hwɛnyɛ, hwe ma nò timbeya ndi imba.”

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.