Lukàrzɛ̀ 8:8 - Mokpwe: Bakwery (New Testament)

⁸ Inɛ̀yi hvɔ̀ŋgɔ̀ jɔ hvɛ ì mà unda ò mɔ̀nyɛ̀ mò gbamù. Ì mà òŋgà gbamù, rzìi ì ŋya hvɛ jɔ̀ɔ. Lòŋgò la hwerzòŋgò hwe ma òhva ègbe ya hvɔ̀ŋgɔ̀.” Yerzù a mà kulɛ lì kpɛ̀ɛ mònò ŋmàna, rzìi a òhwa nanù ema, “Tɔ̀ ima mòtò ema à òhvi màtò, a hweyè.”

Lukàrzɛ̀ 8:8 Mawu Ofanana

Matiyò 11:15

Tɔ̀ ima mòtò ema à òhvi matò, a hweye.

Matiyò 13:23

Ìhvɔ̀ŋgɔ̀ hvɛ ema jò undi ò mɔ̀nyɛ̀ mò gbamù i hwèlì ndi nàa hwatò ema hwa hwèyì ŋmɛ̀ndì mò ama Lohwɛ̀ rzìi hwa mò rzɔ̀ŋgìtɛ̀nɛ̀. Hwa gbeyà rzayi-rzayi ja hweyà hwe gbamù. Ò jɔ̀kɛ̀, wɔ̀ hwa gbèyi rzɔ ndì nàa hwèrzòŋgò ema hwe òhvi lòŋgò egbe, hwenɛyi hvɛ menì mòtòhwa na rzàyiyàwò ja hvɔ̀ŋgɔ̀.”

Makòrzì 4:20

Hwanɛ̀yi hwatò hvɛ hwa hwèlì ndì nàa ìhvɔ̀ŋgɔ̀ ema ì undi ò mɔ̀nyɛ̀ mò gbamù, ema hwa hwèya eyà ya Lohwà, hwa imànɛ̀lɛ̀ nà è jɔ̀kɛ̀, rzìi e ŋya erzoŋgò ema e jàna rzayiyàwò ja hvɔ̀ŋgɔ̀, tɔ̀ mènì-mòtòhwa me hvɔ̀ŋgɔ̀, lòŋgò hvɛ ègbe ya hvɔ̀ŋgɔ̀.”

Makòrzì 4:23

Tɔ̀ ima mòtò ema à òhvi matò, a hweye.”

Makòrzì 4:8

Lòŋgò la iŋgi hvɔ̀ŋgɔ̀ ì mà unda ndi ò mɔ̀nyɛ̀ mò gbamù. Ì wurzà jò òŋga rzìi ì ŋyà. Rzìi lòŋgò la hwèŋge hwèrzòŋgò hwe mà ŋya rzàyiyàwò jà hvɔ̀ŋgɔ̀, lòŋgò hvɛ ì ma ŋya mènìmòtòhwa me hvɔ̀ŋgɔ̀, inɛ̀yi hvɛ ì ma ŋyàa ègbe ya hvɔ̀ŋgɔ̀.”

Lukàrzɛ̀ 14:35

Ì rza òhvì hvɛ tɔ̀ jànda. Èŋge tumba ikpa e rzòwàhwà ndi ò lùutù. È mòtò ema à hwɛnì màtò, inyɛ a rzɔ̀ŋgìtɛ̀nɛ̀ mamɛ ema na òhwì.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Lukàrzɛ̀ 8:7

Lòŋgò la hvɔ̀ŋgɔ̀ hvɛ i ma unda ndi ò tenì ya wàŋga ya hwènyɛ̀ŋgɛnyɛ̀ŋgɛ̀. Ì ma òŋgà ndi hwènyɛ̀ŋgɛnyɛ̀ŋgɛ̀ hwe mà lìŋgɛ̀lɛ̀ iŋgi hvɔ̀ŋgɔ̀.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

Hwèwulùwèlì 13:9

È mòtò ema à hwɛ̀ni matò inyɛ à hwèyè.

Hwèwulùwèlì 2:11

Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 3:13

Tɔ̀ njɛnɛ ema a ohvi mato inyɛ a okànèyà mamɛ ema Èlìŋgɛ̀ e ohweyà ŋmèmba.”

Hwèwulùwèlì 3:6

Tɔ̀ njɛnɛ ema à hwɛni màto inyɛ à okànèyà mamɛ ema Èlìŋgɛ̀ è ohweyà ŋmèmba.”