Lukàrzɛ̀ 8:50 - Mokpwe: Bakwery (New Testament)

⁵⁰ Nà òmà Yerzù a mà hweye nanù, a òhweyà Jàrìyɔ̀rzɛ̀ nanù ema, “O rzì òka tɔ̀ wɔ̀ŋgɔ̀! Ohva lìlòkɛ̀ nanù ema è ŋmanà wà aŋgɔ̀ à hwɛnì lì lìya.”

Lukàrzɛ̀ 8:50 Mawu Ofanana

Makòrzì 5:36

Yerzù à mà tinda mamɛ ya àrzɛ ema hwaŋga hwatò hwà mà òhwe, rzi a òhweyà òŋgò mòtìmbèlì nanù ema, “O rza òka tɔ̀ wɔ̀ŋgɔ̀! Ò hwɛnì ndi lì lòkɛ̀.”

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Lukàrzɛ̀ 8:48

Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀.”

Lukàrzɛ̀ 8:51

Nà òmà Yerzù a mà ùke ò ndawò yà ama Jàrìyɔ̀rzɛ̀ à rzi imànɛ̀lɛ̀ tɔ̀ mòtò ò lì kpèeyà ò tenì yà èŋge ndawò nà mɔ̀, lì akà tɛ Pètrò, Yòwanìrzɛ̀, Jèmìrzì nà è rzàŋgò yà ama òŋgò ŋmanà nà nyàŋgɛ.

Yòwanìrzɛ̀ 11:25

Yerzù rzìi a mò òhweyà nanù ema, “Imba ndi na hwèlì hwèhvùmùwèlì nà lòŋgɛ, tɔ̀ ima mɔ̀ ema à nò lòkɛ̀ tɔ̀ nɛ à ŋwa, à ò tɛ̀mɛ̀ hvɛ ò lòŋgɛ.

Yòwanìrzɛ̀ 11:40

Yerzù rzi a mò timbirzɛlɛlɛ nanù ema, “Nà rzi ò òhweyà ema ò lòkɛ̀yì tɛ ò ɛnɛ èluhwe yà ama Lohwɛ̀ e?”

Ròmànì 4:17

È tìlahwì ò kaàtì yà Lohwà nanù ema, Lohwɛ̀ à mà òhweyà Abràhamù nanù ema, “Ìmba nà ò gbèyi è tatɛ̀ yà rzayì-rzayì ja hwèkòmè.” O èŋgànɛ̀lɛ̀ ò wòrzò wò ama Lohwɛ̀ Abràhamù ndi à hwèlì e tatɛ̀ hwa arzu. Lòohwà ema Abràhamù a lòkɛ̀, lì hwèlì ndi Lòohwà ema lì ŋgba hwatò ema hwa ŋwelì lòŋgɛ lìŋgi Lohwɛ̀ ema lì hvùmùlɛ̀ɛ è wɔ̀ hwa ŋwelì lòŋgɛ, ndèŋgàna mɔ̀ ndi à òhwa aŋga nanù hwèèmà ema hwe rza enje hwe hwɛ.

Ròmànì 4:20

Ŋmèma mò eni mò rzi kɛ̀ɛyeyà lì hvòmɛ̀nɛ̀ hweyà ema Lohwɛ̀ à mà òhwe nanù ema a mò gbèeyà, ndi lìlòkɛ̀ la eni lì ma mò etìrzɛ rzìi a timbirzɛlɛlɛ Lohwɛ̀ èluhwe.