Lukàrzɛ̀ 8:44 - Mokpwe: Bakwery (New Testament)

⁴⁴ Ònò mòlanà, rzìi a wurzeya Yerzù ò mburzà, rzìi a tɔ̀tɔ̀ lìrzukù la mòŋgòmbè mò eni na lìya la eni. O wòtɛmɛ̀tɛmɛ̀ màŋga màyija ma mà kɛ̀ɛ̀yà.

Lukàrzɛ̀ 8:44 Mawu Ofanana

Matiyò 20:34

Yerzù à mà hwa òkeya ììlì, rzi a hwa hwàkɛ̀ màà mà eni ò mirzɔ̀ ma awu. Lìwòkìmɛ̀nɛ̀ rzi hwa wòteyà lì ɛnɛ̀ rzìi hwa mò òŋgama.

Matiyò 8:3

Yerzù à mà enyòwa lìya là eni à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ è nyàmbɛ yà mɔ̀lɔ̀ŋgɔ è mà kuwa ò nyò yà eni.

Matiyò 9:20

Nà òma hwa ma hwɛ lì ɛndɛ, ò ma hwɛ mòlanà mɔ̀kɔ aŋga ema màyija ma mà hwɛ lì wurza ò nyò ya eni ya mòlanà, lìyòmɛ̀ la meya na mehwakɛ à mà ja ò mburza ya ama Yerzù, rzìi a tɔ̀tɔ̀ lìrzukù la mòŋgòmbè mò eni na lìya la eni.

Makòrzì 6:56

Tɔ̀ ima èki ema à mà ɛ̀ndɛ ò màmbòwà marzàlì, na màndɛnɛ na ò ihvaya ema hwatò hwa lìya. Hwatò hwà mà jànà hwà-òkèlì tɔ̀ ima njuka ema hwatò hwà mà arzàŋganɛ ò lì gbeyà è nyòŋga. Nà òmà hwà mà hwa jane hwa rzòrzòmeya Yerzù nanù ema a hwɛmɛ hwà-òkèlì hwa tɔ̀te màà mà awu ò lìrzukù la lìwɔti la eni. Tɔ̀ ima mòòkelì ema à mà tɔ̀tɔ̀ lìrzukù la lìwɔti la ama Yerzù à mà wɔ̀wɔ̀.

Lukàrzɛ̀ 13:13

A mò hwàkɛ lìya la eni. O wòtɛmɛ̀tɛmɛ̀ òŋgò mòlanà a tɛnɛ̀nɛ, a wòteya lì ŋgbàà Lohwɛ̀ jeka.

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Lukàrzɛ̀ 8:43

Mòlanà mɔ̀kɔ à ma hwɛ aŋga, ema à ma hwɛ lì wurzà màyija ò nyò yà èni yà mòlanà lìyòmɛ̀ la meya nà mehwàkɛ. Ònò mòlanà tɔ̀ mòtò tɔ̀ mɔ̀kɔ à rzi tanɛ̀ lì mò wɔ̀wìrzɛ̀.

Lukàrzɛ̀ 8:45

Yerzù rzìi a ijòwa nanù ema, “Njɛnɛ à nò tɔ̀tì e?” Hwatò hwa arzɛ hwa mà rzɔ̀rzɔ̀. Pètrò rzìi a òhwa nanù ema, “Rzàŋgò kòkò rzèke è ŋgìndì yò ò tòŋgi ema è ò àyinɛ̀lɛ̀ ò nyò.”

Yòwanìrzɛ̀ 5:13

Ndi è mòtò ema à mà wɔ̀wìrzɛ̀hwɛ̀ à rzi hwiye njɛnɛ Yerzù à hwèlì nà òma Yerzù mɔ̀hvɛ à mà kpèeyà ò èŋge ŋgìndì ema è mà hwɛ aŋga.

Hwègbèèlì 19:12

Hwàtò hwà mà wòwa tɔ̀ ìpɔ̀tìkà na hwehvɛhvɛni ema Pàwolò à mà gbeyàne, ò lì ɛndɛ lì wɔ̀wìrzɛ̀ hwà-òkèlì, na ò lì ulɛ hwèlìŋgɛ̀ hwe wòhwe ò inyò ja hwatò.

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.