Lukàrzɛ̀ 8:43 - Mokpwe: Bakwery (New Testament)

⁴³ Mòlanà mɔ̀kɔ à ma hwɛ aŋga, ema à ma hwɛ lì wurzà màyija ò nyò yà èni yà mòlanà lìyòmɛ̀ la meya nà mehwàkɛ. Ònò mòlanà tɔ̀ mòtò tɔ̀ mɔ̀kɔ à rzi tanɛ̀ lì mò wɔ̀wìrzɛ̀.

Lukàrzɛ̀ 8:43 Mawu Ofanana

Makòrzì 12:44

Wɔ̀ hwa mà ika ndi ò hwèhvetɛ̀lɛ hwe awu hwe rzayì-rzayì, ndi mɔ̀ à ŋgbelì ndi ò lìtake la eni mamɛ ya arzɛ a òhvi ò lòŋgɛ.”

Makòrzì 9:18

Èŋge èlìŋgɛ̀ è mò hvɔ̀ɔ̀tì tɛ, e mò hvimbà ò rze, rzì ìhvùlù ì mò wurzà ò wàna yà èni. À rziyà marzòŋga mà eni rzìi à embàmà. Ndi nà òhwèlì hwà-òkòwèlì hwa aŋgɔ̀ nanù ema hwa hvayè ene èlìŋgɛ̀, ndi è hwa àyìimbɛ̀nɛ̀yi.”

Lukàrzɛ̀ 13:11

O mà hwɛ mòlanà mɔ̀kɔ aŋga à ma hwɛnɛ èlìŋgɛ̀ ya wòhwe, è ma mò hwɛ ò nyò lìyòmɛ̀ la meya nà wàmbì, e mà gbeyà è mburzà yà èni è mà nùnàmà nyayi ema a rzi tanɛ lì tɛ̀nɛ̀nɛ̀.

Lukàrzɛ̀ 13:16

Ònò mòlanà à hwèlì ndì e ŋmanà wa ama Abràhamù, Mòkarzɛ̀ à mò kaki nà e nyàmbɛ ò lìnì lìyòmɛ̀ la meya nà wàmbì. Inyɔ è nò òhweyà ŋgà e hwèlì wòhwe lì rzòlòwà ònò mòlanà ò wùnyà wò lì arzìyòlɛ̀ e?”

Lukàrzɛ̀ 8:27

Nà òmà Yerzù a mà ùke ò rzààwà yà èŋge yùlù, à mà tàneyà mòtò ema à ma òhva hwèlìŋgɛ̀ hwe wòhwe. O mà hwɛ hvònda ema è wàwi e ma ònò mòtò a rzi hwɛ lì wɔ̀tɔ̀ tɔ̀ mààtù. À rzi hwɛ lì lìya hvɛ tɔ̀ ò ndawò. À mà hwɛ ndi lì lìya ò mòònda mò rzɔ̀ŋgɔ̀.

Lukàrzɛ̀ 8:42

èhwanja ehvòwà ya eni ya ŋmanà ŋgɔ̀ndɔ̀ wà lìyòmɛ̀ la meya nà mèhwàkɛ, e mà kòmbɛ̀nɛ̀ è kpelì. Nà òmà Yerzù a mà hwɛ lì ɛ̀ndɛ ò èŋge ndawò, è ŋgìndì è mà mò tòŋgà ì tòŋgòŋgò jà arzɛ.

Lukàrzɛ̀ 8:44

Ònò mòlanà, rzìi a wurzeya Yerzù ò mburzà, rzìi a tɔ̀tɔ̀ lìrzukù la mòŋgòmbè mò eni na lìya la eni. O wòtɛmɛ̀tɛmɛ̀ màŋga màyija ma mà kɛ̀ɛ̀yà.

Yòwanìrzɛ̀ 9:1

Nà òma Yerzù à mà hwɛ lì ɛ̀ndɛ, à mà ɛnɛ mòtò mɔ̀kɔ ema à mà hwɛ ndima lì wòteya ò hwè ŋyàawèlì hwe eni.

Yòwanìrzɛ̀ 9:21

Ndi i rza hwi mamɛ e gbèyɛ̀nɛ ndèŋgàtɛ̀ a ɛnɛ nàŋgɛ, i rza hwi hvɛ tɔ̀ njɛnɛ a mò wɔ̀wìrzɛ̀yi ò e ndima ya eni. È mò ijòwe a uki mòkèka ema a tanɛ lì alàhwɛ̀ mɔ̀ ŋmìti.”

Hwègbèèlì 3:2

Nàŋgɛ rzɔ munyanà mɔ̀kɔ à mà hwɛ ò hwèkpèèlì hwe lìyòhva la kɔ̀tɔ hwe e ndawò yà Lohwà. Liŋgi lìyòhva la kɔ̀tɔ lì ma hwɛ̀lɛ̀hwɛ̀ ndi nanù ema, Liyòhva la Mòlòŋgà. Oŋgò mòtò à mà ŋyahwa ndi mbòkò. Hwà mà hwɛ lì mò hwanɛ wùnyà tɛ, rzìi hwa mò ika ò lìŋgi lìyòhva la kɔ̀tɔ̀ ò lì ɔmbɔ wòlì ò hwatò ema hwà mà hwɛ lì kpèeyà ò ndawò yà Lohwà.

Hwègbèèlì 4:22

Oŋgò mòtò ema mànyakà mà hweyà ma mà wɔ̀wìrzɛ̀ à mà aka mènìmenì me meya.