Lukàrzɛ̀ 8:40 - Mokpwe: Bakwery (New Testament)

⁴⁰ È hvònda ema Yerzù a mà tìmbe ò enɛyi èhvàrzù ya yùlu, è ŋgìndì è mà mò kɔmɔ nà mɔ̀nyɛ̀ŋgì, èhwanja hwa mà hwɛ lì mò ambɛ̀lɛ̀.

Lukàrzɛ̀ 8:40 Mawu Ofanana

Matiyò 9:1

O mburza eŋge hvònda Yerzù rzìi a kpèeyà ò tenì ya wɔ̀lɔ̀ hvɛ, rzìi a aka ò enɛyi èhvàrzù ya yulu lì ɛ̀ndɛ ò mbòwà ya eni ema à mà hwɛ lì lìya.

Makòrzì 12:37

È hwèlì tɛ ema Dàhwitì mɔ̀ ŋmìti à mà lòma lì mò hwɛlɛ Rzàŋgò, nɛ rzɔ è Mɔ̀ ema à Ɔ̀kirzɛ̀hwɛ̀yi a tànɛyi lì hwɛ e ŋmanà hwa eni e?” È ŋgìndì è ma hwɛ lì òkànèyà Yerzù nà mɔ̀nyɛ̀ŋgì mò rzayì-rzayì.

Makòrzì 5:21

È hvònda ema Yerzù à ma timbe lì kpèeyà ò wɔ̀lɔ̀ ò lì tìmba ò enɛyi èhvarzù ya yùlu, ŋgìndì ndɛnɛ è mà mò ambɛlɛlɛ aŋga.

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Lukàrzɛ̀ 19:48

Ndi ò rzi hwɛ tɔ̀ Èya ema hwa mà tànɛyi lì gbeyà èhwànja hwatò hwa àrzɛ hwa mà lìŋgàna mamɛ yà àrzɛ ema Yerzù à mà hwɛ lì òhwa nà mèèmà mè awu mè arzɛ.

Lukàrzɛ̀ 19:6

Rzàkiyɔ̀rzì à mà hvinjɛlɛ hwèrzìhwèlì, rzìi a mò ɛ̀ndɛnɛ ò ndawò yà èni rzìi a mò kàrzɛ nà màlìŋgò mà eni ma ŋmèmà mà arzɛ.

Lukàrzɛ̀ 5:1

Wùnyà wɔ̀kɔ, nà òmà Yerzù a mà tɛ̀mɛ̀ ò mòkòkò mò yùlu ya Gɛ̀narzalɛ̀tì, ŋgìndì ndɛnɛ è mà mò tòŋgà ò lì òkànèyà eyà ya ama Lohwɛ̀.

Lukàrzɛ̀ 8:39

“Tìmba ò mbòwà yà aŋgɔ̀, ò òhweyà hwatò hwa aŋgɔ, mamɛ ya arzɛ ema Lohwɛ̀ a ò gbèelì.” O èŋgànɛ̀lɛ̀ òŋgò mòtò, à mà tìmba ò mbòwà yà èni, rzìi a òhweyà hwatò hwa arzɛ, mamɛ ema Yerzù a mò gbèelì.

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.

Hwègbèèlì 10:33

Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”