Lukàrzɛ̀ 8:39 - Mokpwe: Bakwery (New Testament)

³⁹ “Tìmba ò mbòwà yà aŋgɔ̀, ò òhweyà hwatò hwa aŋgɔ, mamɛ ya arzɛ ema Lohwɛ̀ a ò gbèelì.” O èŋgànɛ̀lɛ̀ òŋgò mòtò, à mà tìmba ò mbòwà yà èni, rzìi a òhweyà hwatò hwa arzɛ, mamɛ ema Yerzù a mò gbèelì.

Lukàrzɛ̀ 8:39 Mawu Ofanana

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Makòrzì 5:18

Nà òmà Yerzù à mà hwɛ lì kpèeyà ò wɔ̀lɔ̀, òŋgò mòtò ema à mà wɔ̀wìrzɛ̀hwɛ ò hwèlìŋgɛ̀ hwe wòhwe rzìi a wòteyà lì mò rzòrzòmeyà ema à mò nɔŋge.

Makòrzì 5:19

Yerzù a rzì mò ŋgbè wònjà, ndi à mà mò òhweyà nanù ema, “Ɛndɛ ò timbe ò mbòwà ya aŋgɔ̀. O òhweyà hwatò hwa aŋgɔ̀ Èya ndɛnɛ ema è Rzàŋgò e ò gbèelì, nà nɛ a ò kòmelì ììlì ja eni.”

Lukàrzɛ̀ 8:38

Òŋgò mòtò ema Yerzù a mà wɔ̀wìrzɛ̀, rzìi a rzòrzòmeyà Yerzù ò lì mò òŋgama. Ndi Yerzù a mà mò tìmbìrzɛ̀ rzìi a mò òhweyà nanù ema,

Lukàrzɛ̀ 8:40

È hvònda ema Yerzù a mà tìmbe ò enɛyi èhvàrzù ya yùlu, è ŋgìndì è mà mò kɔmɔ nà mɔ̀nyɛ̀ŋgì, èhwanja hwa mà hwɛ lì mò ambɛ̀lɛ̀.

Yòwanìrzɛ̀ 4:29

“È jèe, è ɔ̀ŋgɔ è mòtò ema à mà nò òhweyà tɔ̀ ima eyà ema nà mà gbeyɛ. Rzeke è Mɔ̀ ema à Ɔ̀kirzɛ̀hwɛ̀yi ònò ema jà ambɛ̀lɛ e?”

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.